ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ”ܟܠܕܘ ܪܡܙܝ ܐܘܓܼܢܐ”، ܝܘܡ ܬܠܬܒܫܒܐ 1 ܬܫܪܝܢ ܩܕܡܝܐ 2024، ܓܘ ܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ، ܡܫܕܪܘܬܐ ܡܢ ܦܪܣܩܠܐ ܕ(M ܪܕܝܘ) ܒܪܫܢܘܬܐ ܕܡܕܒܪܢܗܿ (ܫܐܒܘ ܡܝܟܐܝܠ ܫܐܒܘ)، ܗܝ ܕܦܪܣܐ ܡܢ ܡܕܝܢ̄ܬܐ ܕܐܪܒܝܠ ܐܪܫܟܝܬܐ ܕܩܠܝܡܐ ܕܟܘܪܕܣܬܢ.
ܘܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܒܣܘܘܕܝܗܝ ܚܕܪ ܟܫܝܪ̈ܘܬܐ ܘܥܒܼܘܕܘ̈ܬܐ ܒܘܫ ܓܠܝ̈ܐ ܐܢܝ ܡܛܟܣܐܠܗܘܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ، ܘܓܪܗܿ ܒܛܘܘܪܐ ܕܩܐܡ ܡܪܕܘܬܢܝܐ ܣܘܪܝܝܐ ܒܩܠܝܡܐ ܕܟܘܪܕܣܬܢ ܘܥܝܪܩ ܘܦܢܝܬܐ.
ܘܫܘܪܪܠܗܘܢ ܬܪܘܝܗܝ ܓܢ̄ܒܢ̈ܐ ܥܠ ܚܝܠܢܬܐ ܕܐܣܘܪ̈ܐ ܒܝܢ ܟܠܝܗܝ ܫܘܬܐܣ̈ܐ ܓܘ ܦܢܝܬܐ، ܘܡܘܒܝܢܗ (ܐܘܓܼܢܐ) ܒܣܘܘܕܗ ܕܬܪ̈ܥܐ ܕܡܕܒܪܢܘܬܐ ܦܬܝܚ̈ܐܝܠܗܘܢ ܠܥܘܕܪܢܐ ܥܡ ܟܠ ܦܪ̈ܨܘܦܐ ܘܫܘܬܐܣ̈ܐ، ܠܬܫܡܫܬܐ ܕܝܪܬܘܬܐ ܘܡܪܕܘܬܐ ܕܥܡܢ.