ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܒܛܘܝܒܐ ܕܡܕܒܪܢܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܡܝܩܪܐ ( ܒܪܢܐܪܕ ܝܘܣܦ)، ܘܡܕܒܪܢܝܬܐ ܕܒܝܬ ܐܪ̈ܟܐ ܣܘܪܝܝܐ (ܦܝܚܐܐ ܫܡܥܘܢ)، ܐܪܒܥܒܫܒܐ 3 ܐܝܠܘܠ 2025، ܒܒܢܝܢܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܒܪܘܣܬܩܐ ܕܥܢܟܒܐ، ܩܢܨܠܐ ܓܘܢܝܐ ܚܕܬܐ ܕܐܘܚܕܢ̈ܐ ܡܚܝܕ̈ܐ ܐܡܪ̈ܝܟܝܐ ܒܐܪܒܝܠ (ܓܘܝܢܕܘܠܝܢ ܓܪܝܢ)، ܘܡܫܕܪܘܬܐ ܕܥܡܗ.
ܘܬܢܐܠܗ (ܐܘܓܼܢܐ) ܒܣܘܘܕܗ ܠܡܫܕܪܘܬܐ ܣܥܘܪܬܐ ܠܚܘܪ̈ܙܐ ܐܢܢܩܝ̈ܐ ܐܢܝ ܕܒܥܒܕܐܝܠܗ ܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܒܢܝܫܐ ܕܢܛܪܬܐ ܕܝܪܬܘܬܐ ܡܪܕܘܬܢܝܬܐ ܕܥܡܢ ܘܐܪܫܦܬܗ ܠܥܒܕܬܗ ܒܐܝܕܐ ܕܒܨܘܝ̈ܐ.
ܘܒܬܪ ܟܪܘܟܝܐ ܕܡܫܕܪܘܬܐ ܣܥܘܪܬܐ ܒܡܢܘ̈ܬܐ ܕܒܝܬ ܥܬܝܩ̈ܬܐ ܘܚܙܝܬܐ ܕܩܢܝܢܗ ܝܪ̈ܬܘܬܢܝܐ، ܩܘܠܣܠܗ̈ ܩܢܨܠܐ ܓܘܢܝܐ ܕܐܘܚܕܢ̈ܐ ܡܚܝܕ̈ܐ ܓܘ ܐܪܒܝܠ، (ܓܘܝܢܕܘܠܝܢ ܓܪܝܢ)، ܒܥܡܠ̈ܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܢܛܪܬܐ ܕܝܪܬܘܬܐ ܘܗܝܝܘܬܐ ܡܪܕܘܬܢܝܬܐ ܕܥܡܢ، ܘܫܘܪܪܠܗܿ: ܕܐܝܬܠܗ ܕܗܢ ܥܡܐ ܫܪܫܝܐ ܡܥܒܕܢܘܬܐ ܒܟܠ ܦܢܝ̈ܬܐ ܡܫܚܠܦ̈ܐ ܕܬܒܝܠ، ܘܡܢܝܗܝ ܐܘܚܕܢ̈ܐ ܡܚܝܕ̈ܐ.
