ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܘܡܕܒܪܢܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܡܝܩܪܐ ( ܒܪܢܐܪܕ ܝܘܣܦ)، ܒܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ، ܝܘܡ ܬܪܝܢܒܫܒܐ 12 ܐܝܪ 2025، ܣܝܣܝܐ ܘܩܝܘܡܐ ܩܕܝܡܐ ܓܘ ܦܪܠܡܢ ܥܝܪܩܝܐ، (ܝܘܢܐܕܡ ܝܘܣܦ ܟܢܐ).
ܘܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܒܣܘܘܕܝܗܝ ܩܐܡ ܡܪܕܘܬܢܝܐ ܕܥܡܢ ܘܫܒܝܠ̈ܐ ܚܫܝܚ̈ܐ ܠܛܘܪܢܬܗ، ܘܩܘܠܣܠܗ (ܟܢܐ) ܒܓܪܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܛܘܪܢܬܐ ܕܩܐܡ ܡܪܕܘܬܢܝܐ ܕܥܡܢ، ܓܘ ܥܒܘܕܘ̈ܬܐ ܘܥܕܥܐܕ݁̈ܐ ܐܢܝ ܡܛܟܣܐܠܗܘܢ ܓܘ ܦܢܝ̈ܬܐ ܡܫܚܠܦ̈ܐ ܕܥܡܢ، ܘܩܘܠܣܠܗ ܒܝܬ ܥܕܢܐ ܥܠ ܡܕܒܪܢܘܬܗܿ ܘܟܕܝܪ̈ܗܿ ܠܓܪܝܗܝ ܐܢܢܩܝ̈ܐ ܓܘ ܛܘܪܢܬܐ ܕܩܐܡ ܡܪܕܘܬܢܝܐ ܕܥܡܢ ܒܐܬܪܐ.
ܘܫܘܪܪܠܗ (ܐܘܓܼܢܐ) ܓܘ ܬܦܩܬܐ، ܕܬܪ̈ܥܐ ܕܡܕܒܪܢܘܬܐ ܦܬܝܚ̈ܐܝܠܗܘܢ ܠܥܘܕܪܢܐ ܥܡ ܟܠ ܦܪ̈ܨܘܦܐ ܘܫܘܬܐܣ̈ܐ ܕܝܠܢܝ̈ܐ ܒܥܡܢ، ܠܬܫܡܫܬܐ ܕܝܪܬܘܬܢ ܘܡܪܕܘܬܢ.
ܘܒܚܘܬܡܐ ܕܬܦܩܬܐ݂، ܡܘܩܪܒܠܗ (ܐܘܓܼܢܐ) ܠܐܪܚܐ ܣܥܘܪܐ ܢܘܣܟܐ ܡܢ ܡܢܝܢܐ (52) ܡܢ ܡܓܠܬܐ ܕ(ܒܢܐܦܠ)، ܗܝ ܕܢܦܩܐ ܐܩܡܐܝܬ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܘܥܝܪܩ.
