ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ݁ܐ ܣܘܪ̈ܝܝܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ ܡܝܩܪܐ ” ܟܠܕܘ ܪܡܙܝ ܐܘܓܼܢܐ”، ܝܘܡ ܐܪܒܥܒܫܒܐ 17 ܟܢܘܢ ܬܪܝܢܐ 2024 ، ܡܫܕܪܘܬܐ ܡܢ ܩܢܛܪܘܢ ܐܟܕܝܡܝܐ ܟܢܘܫܝܝܐ ܓܘ ܥܢܟܒܐ، ܒܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ ܒܗܘܦܪܟܝܐ ܕܐܪܒܝܠ.
ܘܛܘܝܡܢܗ ” ܐܘܓܼܢܐ” ܒܡܬܚܐ ܕܬܦܩܬܐ ܠܓܪܐ ܕܩܢܛܪܘܢ ܐܟܕܝܡܝܐ ܒܩܒܠܬܗ ܒܐܪܚܘܬܐ ܘܣܢܕܬܗ ܠܥܕܥܐܕܐ ܕܥܢܟܒܐ ܟܪܝܣܡܣ، ܘܫܘܪܪܠܗ ܥܠ ܐܢܢܩܝܘܬܐ ܕܥܘܕܪܢܐ ܒܝܢܬ ܫܘܬܐܣ̈ܐ ܒܢܝܫܐ ܕܢܨܝܚܘܬܐ ܕܐܢܝ ܥܒܘܕܘ̈ܬܐ ܟܢܫܝ̈ܐ ܓܘ ܥܢܟܒܐ.
ܘܚܒܫܠܗܿ ܡܫܕܪܘܬܐ ܣܥܘܪܬܐ ܪܫܐ ܕܩܢܛܪܘܢ ܐܟܕܝܡܝܐ ܟܢܘܫܝܝܐ “ܓ̰ܠܐܠ ܚܒܿܝܒܿ” ܘܡܢܝܢܐ ܡܢ ܗܕܡ̈ܐ ܕܓܘܫܡܐ ܡܕܒܪܢܝܐ ܕܩܢܛܪܘܢ.
