ܣܘܩܒܠܗ ܡܝܩܪܐ “ܟܠܕܘ ܪܡܙܝ ܐܘܓܢܐ” ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܐܝܙܓܕܘܬܐ ܡܢ ܩܢܛܪܘܢ ܟܠܕܝܐ ܕܡܪܕܘܬܐ ܘܐܡܢ̈ܐ ܒܕܗܘܟ، ܒܝܘܡܐ ܕܚܡܫܒܫܒܐ 13 ܬܡܘܙ 2023 ، ܓܘ ܒܢܝܢܐ ܕܡܕܒܪܢܘܬܐ ܓܘܢܝܬܐ ܒܪܘܣܬܩܐ ܕܥܢܟܒܐ.
ܘܚܒܫܠܗܿ ܐܝܙܓܕܘܬܐ ܣܥܘܪܬܐ ܪܫ ܩܢܛܪܘܢ ܟܠܕܝܐ ܕܡܪܕܘܬܐ ܘܐܡܢ̈ܐ ” ܓ̰ܘܪܓ̰ ܬܐܘܡܐ ܐܝܫܘ” ܘܡܢܝܢܐ ܡܢ ܗܕܡ̈ܐ .
ܘܒܨܐܠܗܘܢ ܬܪܘܝܗܝ ܓܢ̄ܒܢ̈ܐ ܓܘ ܬܦܩܬܐ ܠܩܐܡ ܡܪܕܘܬܢܝܐ ܘܓܪܐ ܕܫܘܬܐܣ̈ܐ ܒܛܘܪܢܬܗ ܘܫܒܝܠ̈ܐ ܕܥܘܕܪܢܐ ܡܫܘܬܦܐ.
ܘܡܢ ܓܢ̄ܒܗ ܚܘܬܬܠܗ ” ܐܘܓܼܢܐ” ܠܛܘܝܒܐ ܕܡܕܒܪܢܘܬܗ ܠܥܘܕܪܢܐ ܥܡ ܟܠܝܝܗܝ ܫܘܬܐܣ̈ܐ ܡܪܕܘܬܢܝ̈ܐ ܘܐܡܢ̈ܐ ܕܥܡܢ، ܘܬܪ̈ܥܐ ܕܡܕܒܪܢܘܬܐ ܦܬܝܚ̈ܐܝܠܗܘܢ ܩܕܡ ܟܠܝܗܝ ܕܠܐ ܦܘܪܫܢܐ.
