ܩܢܨܠܐ ܐܪܡܝܢܝܐ ܒܐܪܒܝܠ ܒܐܪܚܘܬܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ

ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܘܡܕܒܪܢܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܡܝܩܪܐ (ܒܪܢܐܪܕ ܝܘܣܦ)، ܝܘܡ ܬܠܬܒܫܒܐ 14 ܟܢܘܢ ܬܪܝܢܐ 2025، ܓܘ ܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܒܪܘܣܬܩܐ ܕܥܢܟܒܐ، ܩܢܨܠܐ ܐܪܡܝܢܝܐ ܒܐܪܒܝܠ (ܐܢܕܪܐܢܝܟ ܗܐܪܘܬܘܢܝܢ).

ܘܟܪܟܠܗ ܐܪܚܐ ܒܡܢܘ̈ܬܐ ܕܒܝܬ ܥܬܝܩ̈ܬܐ ܘܚܙܐܠܗ ܡܘܠܟܢ̈ܗ ܘܩܢܝܢ̈ܗ ܝܪ̈ܬܘܬܢܝܐ ܐܢܝ ܕܡܡܬܠܝ ܝܪܬܘܬܐ ܘܡܪܕܘܬܐ ܕܥܡܢ ܒܐܬܪܐ ܕܒܝܬ ܢܗܪܝܢ ܘܡܢ ܦܢܝ̈ܬܐ ܡܫܚܠܦ̈ܐ ܕܐܬܪܐ، ܘܡܘܚܘܐܠܗ ܕܡܝܪܘܬܗ ܒܝܪܬܘܬܐ ܕܥܡܢ ܫܪܫܝܬܐ، ܘܩܘܠܣܠܗ ܥܠ ܦܘܠܚܢܐ ܕܡܕܒܪܢܘܬܐ ܓܘܢܝܬܐ ܘܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܒܢܛܪܬܐ ܕܡܪܕܘܬܐ ܕܗܢ ܥܡܐ ܫܪܫܝܐ ܒܦܢܝܬܐ ܕܡܕܢܚܐ ܡܨܥܝܐ.

ܘܒܚܘܬܡܐ ܕܬܦܩܬܐ، ܡܘܩܪܒܠܗܘܢ ܬܪܘܝܗܝ ܓܢ̄ܒܢ̈ܐ ܕܫܢ̈ܐ ܕܕܟܪܐ، ܟܕ ܡܘܩܪܒܠܗ (ܐܘܓܼܢܐ) ܠܐܪܚܐ ܣܥܘܪܐ ܢܘܣܟܐ ܡܢ ܡܢܝܢܐ (52) ܡܢ ܡܓܠܬܐ ܕ(ܒܢܐܦܠ) ܗܝ ܕܢܦܩܐ ܐܩܡܝܐܝܬ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ، ܘܡܢ ܓܢ̄ܒܗ ܡܘܩܪܒܠܗ ܐܪܚܐ ܠܣܩܒܠܢ̈ܗ ܢܘܣܟܐ ܡܢ ܟܬܒܐ ܬܢܐ ܚܕܪ ܕܘܠܬܐ ܐܪܡܝܢܝܬܐ ܘܡܪܕܘܬܐ ܘܝܪܬܘܬܐ ܕܥܡܗܿ.

Leave a Comment

Your email address will not be published. Required fields are marked *

Share via
Copy link
Powered by Social Snap