ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܝܘܡ ܐܪܒܥܒܫܒܐ 15 ܬܫܪܝܢ ܩܕܡܝܐ 2025، ܒܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ، ܓܒܪܐ ܕܬܘܕܝܬܐ ܐܡܪܝܟܝܐ ܡܪܐ ܕܫܪ̈ܫܐ ܥܝܪ̈ܩܝܐ ܩܫܝܫܐ (ܐܪܟܐܢ ܐܠܡܥܪܘܦ).
ܘܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܒܣܘܘܕܝܗܝ ܟܫܝܪ̈ܘܬܐ ܘܥܒܘܕܘ̈ܬܐ ܒܫ ܐܢܢܩܝ̈ܐ ܐܢܝ ܡܛܟܣܐܠܗܘܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܦܢܝ̈ܬܐ ܡܫܚܠܦ̈ܐ ܕܐܝܬܘܬܐ ܕܥܡܢ، ܘܐܢܢܩܝܘܬܐ ܕܛܘܪܢܬܐ ܘܚܝܠܢܬܐ ܕܐܣܘܪ̈ܐ ܒܝܢ ܫܘܬܐܣ̈ܐ ܕܥܡܢ ܒܪ̈ܢܝܝܗܝ ܬܘܕܝܬܢܝ̈ܐ ܘܟܢܘܫܝܝ̈ܐ ܡܫܚܠܦ̈ܐ، ܘܫܘܪܪܠܗ (ܐܘܓܼܢܐ) ܕܬܪ̈ܥܐ ܕܡܕܒܪܢܘܬܐ ܓܘܢܝܬܐ ܦܬܝܚ̈ܐܝܠܗܘܢ ܠܥܘܕܪܢܐ ܥܡ ܟܠ ܫܘܬܐܣ̈ܐ ܕܥܡܢ، ܠܬܫܡܫܬܐ ܕܝܪܬܘܬܢ ܘܡܪܕܘܬܢ.
ܘܦܝܫ ܕܟܝܪܐ، ܕܩܫܝܫܐ (ܐܪܟܐܢ ܐܠܡܥܪܘܦ)، ܝܠܗ ܓܒܪܐ ܕܬܘܕܝܬܐ ܐܡܪܝܟܝܐ ܡܪܐ ܡܢ ܫܪܫܐ ܥܝܪ̈ܩܝܐ، ܘܐܝܬܠܗ ܛܘܝܒܐ ܦܪܝܫܐ ܒܠܘܡܕ̈ܐ ܬܒܝܠܝ̈ܐ ܐܢܝ ܕܚܒܫܝ ܡܠܘ̈ܐܐ ܕܚܐܪܘܬܐ ܕܬܘܕܝ̈ܬܐ.