ܡܘܝܕܥܠܗ ܡܒܚܢܢܐ ܒܐܡܝܐ ܘܡܬܢܝܢܐ ( ܨܒܚ ܗܘܪܡܙ ܐܠܫܐܢܝ) ܕܪܘܣܬܩܐ ܕܥܢܟܒܐ ܓܘ ܐܪܒܝܠ ، ܐܪܫܟܝܬܐ ܕܩܠܝܡܐ ܕܟܘܪܕܣܬܢ، ܒܕ ܚܙܐ ܒܡܬܚܐ ܕܝܘܡ̈ܐ ( 14-16) ܟܢܘܢ ܩܕܡܝܐ ܐܬܝܢܐ ܫܪܝܬܐ ܕܥܒܘܕ̈ܘܬܐ ܕܥܕܥܐܕܐ ܕܒܐܡܐ ܣܘܪܝܝܐ ܩܕܡܝܐ، ܗܘ ܕܩܝܡܐ ܒܓܘܗ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ.
ܘܚܘܬܬܠܗ “ܐܠܫܐܢܝ” ، ܗܘ ܫܩܝܠܐ ܪܫܢܘܬܐ ܕܥܕܥܐܕܐ، ܕܥܒܘܕ̈ܘܬܗ ܒܕ ܚܒܫܝ ܡܩܪܒܬܐ ܕܓܠܚ̈ܐ ܒܐܡܝ̈ܐ ܣܘܪ̈ܝܝܐ ܡܢ ܦܢܝ̈ܬܐ ܡܫܚܠܦ̈ܐ ܕܒܢܝ̈ ܥܡܢ ܘܥܡ ܛܟܣܬܐ ܕܚܠܩܝ̈ܬܐ ܕܪ̈ܫܝܐ ܘܣܘܘܕܝ̈ܐ ܚܕܪ ܒܐܡܐ ܣܘܪܝܝܐ، ܬܫܥܝܬܗ ܘܩܐܡܗ، ܒܡܬܚܐ ܕܬܠܬܐ ܝܘܡ̈ܐ ܕܥܕܥܐܕܐ.
ܘܪܡܙܠܗ ܪܫܐ ܕܥܕܥܐܕܐ ܠܛܘܝܒܐ ܕܡܓܘܒܝ̈ܐ ܦܪ̈ܝܫܐ ܡܢ ܟܘܟܒ̈ܐ ܘܒܟܝܪ̈ܐ ܕܒܐܡܐ ܥܝܪܩܝܐ ܘܟܘܪܕܣܬܢܝܐ ܘܥܡ ܣܘܪ̈ܝܝܐ.
ܘܡܘܒܝܢܗ ܕܥܕܥܐܕܐ ܒܕ ܩܝܡ ܒܡܝܩܪܢܘܬܐ ܕܡܢܝܢܐ ܡܢ ܦܪ̈ܝܫܐ ܓܘ ܡܘܗܒܬܝܗܝ ܒܐܡܝܬܐ، ܘܒܩܘܕܡܝܗܝ ܐܡܢܐ ܪܒܐ ܡܬܘܬܒܐ (ܪܘܡܝܘ ܝܘܣܦ).
ܘܓܠܐܠܗ “ܐܠܫܐܢܝ” ܠܥܒܕܬܐ ܕܡܘܪܝܐ ܒܝܢܬ ܡܛܐܠܝ̈ܬܐ ܡܫܘܬܦ̈ܐ ܥܠ ܕܫܢ̈ܐ ܕܥܕܥܐܕܐ، ܘܐ̄ܡܪܗ : ( ܕܣܝܥܬܐ ܕܡܦܠܓܼܢܘܬܐ ܗܝ ܕܝܠܗܿ ܒܪܫܢܘܬܐ ܕܡܕܒܪܢܐ ܓܘܢܝܐ ܕܚܘܕܪܐ ܕܣܝܢܐ ܘܒܐܡܐ ܓܘ ܘܙܝܪܘܬ ܡܪܕܘܬܐ ܘܕܝܪܘܬܐ ܘܥܬܩ̈ܐ ܥܝܪܩܝܬܐ، ܒܕ ܡܝܕܥܐ ܥܠ ܢܨܝܚ̈ܐ ܒܚܘܬܡܐ ܕܥܕܥܐܕܐ).
