ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܝܘܡ ܬܠܬܒܫܒܐ 28 ܟܢܘܢ ܬܪܝܢܐ 2025، ܒܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ، ܪܫܐ ܕܕܝܪܐ ܕܡܪܬܐ ܕܒܬܘܠܬܐ ܢܛܪܬܐ ܕܙܪ݁ܥܐ ܒܐܠܩܘܫ ܒܕܫܬܐ ܕܢܝܢܘܐ ܐܒܐ (ܓ̰ܘܢ ܢܝܩܘܠܐ).
ܘܬܢܐܠܗܘܢ ܬܪܘܝܗܝ ܓܢ̄ܒܢ̈ܐ ܒܣܘܘܕܝܗܝ ܠܟܫܒܪ̈ܘܬܐ ܘܥܒܘܕܘ̈ܬܐ ܐܢܝ ܡܛܟܣܐܠܗܘܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܦܢܝ̈ܬܐ ܡܫܚܠܦ̈ܐ ܕܐܝܬܘܬܐ ܕܥܡܢ، ܘܐܢܢܩܘܬܐ ܕܛܘܪܢܬܐ ܘܚܝܠܢܬܐ ܕܐܣܘܪ̈ܐ ܒܝܢܬ ܫܘܬܐܣ̈ܐ ܕܥܡܢ ܒܟܠܝܗܝ ܒܝܬܝܘܬܝܗܝ ܬܘܕܝܬܢܝܬܐ ܘܟܢܘܫܝܝܬܐ، ܘܫܘܪܪܠܗ (ܐܘܓܼܢܐ) ܕܬܪ̈ܥܐ ܕܡܕܒܪܢܘܬܐ ܦܬܝܚ̈ܐܝܠܗܘܢ ܠܥܘܕܪܢܐ ܥܡ ܟܠ ܫܘܬܐܣ̈ܐ ܕܥܡܢ ، ܠܬܫܡܫܬܐ ܕܝܪܬܘܬܢ ܘܡܪܕܘܬܢ.
ܘܦܝܫ ܕܟܝܪܐ، ܕܕܝܪܐ ܕܡܪܬܐ ܕܒܬܘܠܬܐ ܢܛܪܬܐ ܕܙܪ̈ܥܐ ܦܝܫܠܗ ܡܫܘܬܐܣܐ ܫܢ̄ܬܐ ܕ 1858 ܡ ܒܦܢܝܬܐ ܕܐܠܩܘܫ ܒܕܫܬܐ ܕܢܝܢܘܐ، ܘܝܠܗ ܢܩܝܦܐ ܠܪܒܢܘܬܐ ܐܢܛܘܢܝܬܐ ܗܘܪܡܙܕܝܬܐ ܟܠܕܝܬܐ.