ܡܛܘܟܣܠܗܿ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ، ܒܪܡܫܐ ܕܚܡܫܒܫܒܐ 1 ܚܙܝܪܢ 2023 ، ܥܒܘܕܘ̈ܬܐ ܕܝܘܡܐ ܙܘܝܚܝܐ (Children’s Day) ܒܦܘܪܣܐ ܕܝܘܡܐ ܕܫܒܪܐ ܬܒܠܝܐ ܥܠ ܓܢ̈ܐ ܕܩܢܛܪܘܢ ܐܟܕܝܡܝܐ ܟܢܘܫܝܝܐ ܒܪܘܣܬܩܐ ܕܥܢܟܒܐ ܓܘ ܗܘܦܪܟܝܐ ܕܐܪܒܝܠ.
ܘܦܝܫܠܗ ܥܒܝܕܐ ܝܘܡܐ ܙܘܝܚܝܐ (Children’s Day) ܕܗܘܐ ܚܕ ܝܘܡܐ ܕܝܠܢܝܐ ܕܫܒܪ̈ܐ ܡܢ ܟܫܝܪ̈ܘܬܐ ܕܥܕܥܐܕܐ ܕܥܢܟܒܐ (Ankawa Festival) ܗܘ ܕܟܡ ܛܟܣܐܠܗ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܥܘܕܪܢܐ ܥܡ ܩܝܡܩܡܘܬܐ ܕܪܘܣܬܩܐ ܕܥܢܟܒܐ ܘܡܢܝܢܐ ܡܢ ܡܛܟܣܝ̈ܬܐ ܕܟܢܘܫܝܐ ܡܕܝܢܝܐ.
ܘܚܒܫܠܗ ܙܘܝܚܐ ܓܠܚ̈ܐ ܕܦܪ̈ܨܘܦܐ ܟܪ̈ܬܘܢܝܐ ܦܝܫܠܗܘܢ ܡܘܩܪܒܐ ܒܝܕ ܗܕܡ̈ܐ ܕܝܗܠܐ ܣܘܪܝܝܐ ܢܩܘܦܐ ܠܡܕܒܪܢܘܬܐ ، ܘܓܠܚܬܐ ܒܐܡܝܬܐ ܒܫܡܐ ܕ( ܒܝܬ ܩܗܘܬܐ ܕܥܙܐܘܝ- كهوة عزاوي) ܗܝ ܕܡܫܘܬܦܠܗܘܢ ܒܡܩܪܒܬܗܿ ܡܢܝܢܐ ܡܢ ܫܒܪ̈ܐ ܕܒܝܬ ܫܒܪܐ، ܘܥܡ ܓܠܚܬܐ ܕܒܝܬ ܐܪ̈ܟܐ ܕܣܢܕܒܐܕ ܕܟܬܒ̈ܐ.
ܘܚܒܫܠܗ ܙܘܝܚܐ ܥܒܕܬܐ ܕܡܘܪ̈ܝܐ ܘܟܫܝܪ̈ܘܬܐ ܒܝܢܬ ܫܒܪ̈ܐ ܡܫܘܬܦ̈ܐ ܓܘ ܥܕܥܐܕܐ، ܕܦܝܫܝ ܚܬܝܡܐ ܥܒܘܕܘ̈ܬܗ ܒܡܩܪܒܬܐ ܕܕܫܢ̈ܐ ܘܕܘܪ̈ܥܐ ܕܡܝܩܪܢܘܬܐ ܠܓܢ̄ܒ̈ܐ ܪ̈ܥܝܐ ܕܥܕܥܐܕܐ.
ܘܦܝܫ ܕܟܝܪܐ ، ܕ (Children’s Day) ܟܡ ܛܟܣܐܠܗ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܥܘܕܪܢܐ ܥܡ ܩܝܡܩܡܘܬܐ ܕܪܘܣܬܩܐ ܕܥܢܟܒܐ، ܟܢܘܫܬܐ ܕܥܢܟܒܐ ܕܐܢ̄ܬܬܐ ܘܫܒܪܐ ܘܩܢܛܪܘܢ ܐܟܕܝܡܝܐ ܟܢܘܫܝܝܐ ܓܘ ܥܢܟܒܐ.
