ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܝܘܡ ܚܕܒܫܒܐ 13 ܢܝܣܢ 2025، ܓܘ ܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ، ܬܪܝܢ ܐܘܡܢ̈ܐ (ܣܪܓܘܢ ܝܘܚܢܢ) ܘ( ܡܐܕܠܝܢ ܐܝܫܘܦܐ)، ܐܬܝܢ̈ܐ ܡܢ ܐܬܪܐ ܕܓܠܘܬܐ ܠܫܘܬܦܬܐ ܒܙܘܝܚ݁̈ܐ ܕܥܡܢ ܒܥܐܕ̈ܐ ܕܐܟܝܬܘ ܪܫܐ ܕܫܢ̄ܬܐ ܐܘܡܬܢܝܬܐ ܚܕܬܐ.
ܘܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܒܣܘܘܕܝܗܝ ܥܠ ܩܐܡ ܡܪܕܘܬܢܝܐ ܘܐܡܢܝܐ ܕܥܡܢ ܘܐܢܢܩܝܘܬܐ ܕܓܪܐ ܕܐܘܡܢܐ ܒܫܢܝܬܐ ܕܐܓܪܬܐ ܕܥܡܗ ܘܡܥܒܪܢܘܬܐ ܥܠ ܩܛܪ̈ܗ ܘܗܢܝܢ̈ܗ، ܘܫܘܪܪܠܗ (ܐܘܓܼܢܐ) ܕܬܪ̈ܥܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܦܬܝܚ̈ܐܝܠܗܘܢ ܠܥܘܕܪܢܐ ܥܡ ܟܠ ܦܪ̈ܨܘܦܐ ܘܫܘܬܐܣ̈ܐ ܕܐܢܝ ܕܐܝܬܠܗܘܢ ܝܨܝܦܘܬܐ ܒܨܒܘܬܐ ܕܥܡܢ ܒܐܬܪܐ ܘܓܠܘܬܐ، ܠܛܘܪܢܬܐ ܕܩܐܡ ܡܪܕܘܬܢܝܐ ܕܥܡܢ.
ܘܦܝܫܠܗ ܡܛܝܒܐ ܓܘ ܬܦܩܬܐ ܣܦܪܐ (ܦܛܪܘܣ ܗܘܪܡܙ ܢܒܬܝ)، ܘܡܢܝܢܐ ܡܢ ܫܕܬܢ̈ܐ ܕܡܕܒܪܢܘܬܐ.