ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܝܘܡ ܚܕܒܫܒܐ 19 ܬܫܪܝܢ ܩܕܡܝܐ 2025، ܒܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ، ܣܦܪܐ ܣܘܪܝܝܐ ܡܬܘܬܒܐ (ܘܥܕܠܠܗ ܐܝܠܝܐ)، ܒܚܒܪܘܬܐ ܕܣܦܪܐ (ܢܡܪܘܕ ܩܫܐ).
ܘܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܒܣܘܘܕܝܗܝ ܩܐܡ ܡܪܕܘܬܢܝܐ ܕܥܡܢ ܒܐܬܪܐ، ܘܐܢܢܩܝܘܬܐ ܕܓܪܐ ܕܡܚܘܪ̈ܐ ܘܣܦܪ̈ܐ ܒܫܢܝܬܐ ܕܐܓܪܬܐ ܕܥܡܝܗܝ ܘܡܥܒܪܢܘܬܐ ܥܠ ܩܛܪ̈ܐ ܘܣܘܟܝ̈ܐ ܕܥܡܐ، ܘܫܘܪܪܠܗ (ܐܘܓܼܢܐ) ܕܬܪ̈ܥܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܦܬܝܚ̈ܐܝܠܗܘܢ ܠܥܘܕܪܢܐ ܥܡ ܟܠ ܦܪ̈ܨܘܦܐ ܘܫܘܬܐܣ̈ܐ ܐܢܝ ܕܐܝܬܠܗܘܢ ܐܣܘܪܐ ܒܨܒܘܬܐ ܕܥܡܢ ܒܐܬܪܐ ܘܓܠܘܬܐ، ܠܛܘܪܢܬܐ ܕܩܐܡ ܡܪܕܘܬܢܝܐ ܕܥܡܢ.
ܘܩܘܠܣܠܗܘܢ ܬܪܝܢ ܐܪ̈ܚܐ ܒܡܬܚܐ ܕܬܦܩܬܐ ܒܟܫܝܪ̈ܘܬܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܘܥܒܘܕܘ̈ܬܗܿ ܒܦܢܝ̈ܬܐ ܡܫܚܠܦ̈ܐ ܕܥܡܢ، ܘܫܘܪܪܠܗܘܢ ܥܠ ܐܢܢܩܝܘܬܐ ܕܐܡܝܢܘܬܐ ܕܐܢܝ ܟܫܝܪ̈ܘܬܐ ܠܛܘܪܢܬܐ ܕܡܪܕܘܬܐ ܕܥܡܢ ܘܡܪܡܬܐ ܕܨܒܘܬܗܿ ܒܐܬܪܐ.
