ܣܘܩܒܠܠܗ ܟܠܕܘ ܪܡܙܝ ܐܘܓܼܢܐ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܫܘܠܛܢܘܬ ܩܠܝܡܐ ܕܟܘܪܕܣܬܢ ܬܪܝܢ ܣܦܪ̈ܐ ܣܘܪ̈ܝܝܐ ܡܬܘܬܒ̈ܐ ܗܝܬܼܡ ܒܗܢܐܡ ܒܘܪܕܐ ܘܘܥܕܐܠܠܗ ܐܝܠܝܐ ܝܘܡ ܬܠܬܒܫܒܐ 22 ܐܒ 2023 ܒܒܢܝܢܐ ܕܡܕܒܪܢܘܬܐ ܓܘܢܝܬܐ ܒܪܘܣܬܩܐ ܕܥܢܟܒܐ.
ܘܦܝܫܠܗ ܕܪܝܫܐ ܒܬܦܩܬܐ ܕܟܡ ܛܝܒܠܗܿ ܣܦܪܐ ܦܛܪܘܣ ܢܒܐܬܝ ܩܐܡ ܡܪܕܘܬܢܝܐ ܣܘܪܝܝܐ ܒܥܝܪܐܩ ܘܒܓܠܘܬܐ، ܘܡܩܘܠܣܠܗܘܢ ܬܪܝܢ ܐܪ̈ܚܐ ܒܟܫܝܪ̈ܘܬܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܘܥܒܘܕܘ̈ܬܐ ܦܪ̈ܝܫܐ ܒܫܘܚܠܦ ܦܢܝ̈ܬܐ ܕܥܡܢ.
ܘܡܫܘܪܪܠ̄ܗ ܐܘܓܼܢܐ ܥܠ ܐܢܢܩܝܘܬ ܓܪܐ ܕܡܘܪ̈ܕܢܐ ܕܥܡܢ ܘܣܦܪ̈ܗ ܘܐܘܡܢ̈ܗ ܠܡܛܦܘܝܐ ܩܠܗ ܠܟܠܗܝܢ ܦܢܝ̈ܬܐ ܕܥܠܡܐ، ܘܒܝܬ ܥܕܢܐ ܡܘܚܙܐܠܗ ܛܘܝܒܐ ܕܡܕܒܪܢܘܬܐ ܓܘܢܝܬܐ ܠܥܘܕܪܢܐ ܥܡ ܟܠܗܘܢ ܫܘܬܐܣ̈ܐ ܡܪ̈ܕܘܬܢܝܐ ܘܐܡܢܝ̈ܐ ܣܘܪ̈ܝܝܐ، ܒܐܬܪܐ ܘܒܪܝܗ.
