ܣܘܩܒܠܗ ܡܝܩܪܐ “ܟܠܕܘ ܪܡܙܝ ܐܘܓܼܢܐ” ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܐܝܙܓܕܘܬܐ ܡܢ ܬܪܝ ܓܘܫܡ̈ܐ ܡܕܒܪ̈ܢܝܐ ܕܬܪܬܝ ܡܕܪ̈ܫܝܬܐ ܕܐܪܒܥ̄ܐܝܠܘܿ ܘܐܘܼܪ ܡܬܕܝܠܢܝ̈ܐ ܒܡܠܦܢܘܬܐ ܣܘܪܝܝܬܐ، ܝܘܡܐ ܕܬܪܝܢܒܫܒܐ 30 ܟܢܘܢ ܬܪܝܢܐ 2023.
ܘܡܘܩܪܒܠܗܘܢ ܗܕܡ̈ܐ ܕܐܝܙܓܕܘܬܐ ܣܥܘܪܬܐ ܗܘܢܝ̈ܐ ܠܡܕܒܪܢܐ ܓܘܢܝܐ ܒܦܘܪܣܐ ܕܫܢ̄ܬܐ ܚܕܬܐ، ܘܡܘܥܒܪܗܘܢ ܥܠ ܐܝܩܪܝܗܝ ܪܒܐ ܠܟܠ ܡܐ ܕܡܩܪܒܐܠܗ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܢ ܟܫܝܪ̈ܘܬܐ ܘܬܫܡܫܝ̈ܬܐ ܠܣܢܕܬܐ ܕܠܫܢܐ ܣܘܪܝܝܐ ܘܐܢܝ ܡܫܘܬܦܝ ܓܘ ܐܡܝܢܘܬܗ ܘܛܘܘܪܗ.
ܘܡܢ ܓܢ̄ܒܗ ܪܡܙܠܗ “ܐܘܓܼܢܐ” ܠܓܪܐ ܐܢܢܩܝܐ ܕܐܝܬܠܝܗܝ ܡܕܪ̈ܫܝܬܐ ܣܘܪ̈ܝܝܐ ܓܘ ܡܡܛܝܬܐ ܕܠܫܢܢ ܠܝܘܒܠ̈ܐ ܐܬܝܢ̈ܐ ܒܫܒܝܠ̈ܐ ܝܘܠܦܢܝ̈ܐ ܚܕܬ̈ܐ ܥܡ ܢܛܪܬܐ ܕܫܪܫܝܘܬܗ ܘܪܨܝܢܘܬܗ.
