ܣܘܩܒܠܗ ܡܝܩܪܐ ( ܟܠܕܘ ܪܡܙܝ ܐܘܓܼܢܐ) ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܐܝܙܓܕܘܬܐ ܡܢ ܝܗܠܐ ܕܒܐܡܐ ܕܩܪܩܘܫ ܠܡܡܬܠܢܘܬܐ، ܒܪܫܢܘܬܐ ܕ( ܨܒܚ ܙܟܪܝܐ) ܪܫܐ ܕܣܝܥܬܐ ܕܡܕܒܪܢܘܬܐ ܕܝܗܠܐ ، ܒܨܦܪܐ ܕܐܪܒܥܒܫܒܐ 27/ ܬܡܘܙ 2022 .
ܘܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܒܨܝܬܐ ܕܫܒܝܠܐ ܕܥܘܕܪܢܐ ܒܝܢܬ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܘܝܗܠܐ ܐܡܢܝܐ ܕܒܐܡܐ ، ܘܚܬܬܐ ܥܠ ܓܪܐ ܕܐܡܢ̈ܐ ܒܟܠ ܐܕܫܝ̈ܗܝ ، ܘܦܪܝܫܐܝܬ ܒܐܡܝ̈ܐ ܡܢܝܗܝ ، ܒܫܘܦܐ ܕܐܝܬܘܬܝܗܝ ، ܘܡܢܝܗܝ ܝܗܠܐ ܕܒܐܡܐ ܕܩܪܩܘܫ ܗܘ ܕܡܫܘܬܦܠܗ ܒܐܣܟܝܡܐ ܥܒܘܕܐ ܒܪܒܐ ܡܢ ܟܫܝܪ̈ܘܬܐ ܐܡܢܝ̈ܐ ܐܢܝ ܕܟܡ ܡܩܝܡܐܠܗܘܢ ܡܕܒܪܢܘܬܐ ܓܘܢܝܬܐ ܒܫܢ̈ܐ ܥܒܝܪ̈ܐ .
ܘܡܚܘܬܬܠܗ ܡܠܦܢܐ ( ܙܟܪܝܐ) ܠܛܘܝܒܐ ܕܝܗܠܐ ܠܡܩܪܒܬܐ ܕܦܘܠܚܢ̈ܐ ܒܐܡܝ݁̈ܐ ܘܐܡܝܢܘܬܐ ܕܥܘܕܪܢܐ ܥܡ ܡܕܒܪܢܘܬܐ ܓܘܢܝܬܐ ܒܕܥܬܝܕ ܩܪܝܒܐ ، ܠܚܝܠܢܬܐ ܕܙܘܥܐ ܒܐܡܝܐ ܣܘܪܝܝܐ ܘܦܪܣܬܐ ܕܪܘܚܐ ܚܕܬܐ ܒܓܠܚܝܬܝ̈ܗܝ .
