ܣܘܩܒܠܗ ܡܝܩܪܐ “ܟܠܕܘ ܪܡܙܝ ܐܘܓܼܢܐ” ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܕܥܝܪܩ، ܝܘܡ ܚܕܒܫܒܐ 7 ܐܝܪ 2023 ، ܐܝܙܓܕܘܬܐ ܡܢ ܟܢܘܫܬܐ ܡܪܕܘܬܢܝܬܐ ܣܘܪܝܝܬܐ ܓܘ ܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ ܒܗܘܦܪܟܝܐ ܕܐܪܒܝܠ.
ܘܒܡܬܚܐ ܕܬܦܩܬܐ ܒܪܐܠܗ ܣܘܘܕܐ ܚܕܪ ܩܐܡ ܡܪܕܘܬܢܝܐ ܣܘܪܝܝܐ ܘܣܩܘܒܠܝܘ̈ܬܐ ܕܟܠܝ ܕܪܩܘܒܠܗ ܓܘ ܦܢܝܬܐ، ܘܥܡ ܣܘܘܕܐ ܚܕܪ ܟܫܝܪ̈ܘܬܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܓܘ ܦܢܝ̈ܬܐ ܡܫܚܠܦ̈ܐ ܕܥܡܢ، ܘܡܚܘܬܬܠܗ ܡܕܒܪܢܐ ܓܘܢܝܐ ܠܛܘܝܒܐ ܕܡܕܒܪܢܘܬܐ ܓܘܢܝܬܐ ܠܥܘܕܪܢܐ ܥܡ ܟܠܝܗܝ ܫܘܬܐܣ̈ܐ ܡܪ̈ܕܘܬܢܝܐ ܘܐܡܢܝ̈ܐ ܣܘܪ̈ܝܝܐ.
ܘܚܒܫܠܗܿ ܐܝܙܓܕܘܬܐ ܣܥܘܪܬܐ ܗܕܡܐ ܕܟܢܘܫܬܐ ܡܪܕܘܬܢܝܬܐ ܣܘܪܝܝܬܐ ܓܘ ܣܘܪܝܐ “ܐܣܛܝܦܿܘ ܡܣܥܘܕ” ܘܗܕܡܐ ܕܒܕܘܩܘܬܐ ܕܟܢܘܫܬܐ ” ܕܐܢܝ ܚܢܐ”.
ܘܦܝܫ ܕܟܝܪܐ ، ܕ”ܟܢܘܫܬܐ ܡܪܕܘܬܢܝܬܐ ܣܘܪܝܝܬܐ ܓܘ ܣܘܪܝܐ” ܦܝܫܠܗܿ ܡܫܘܬܐܣܬܐ ܓܘ ܢܝܣܢ ܫܢ̄ܬܐ 2008 ، ܘܩܢܛܪܘܢܗܿ ܓܘ ܡܕܝܢ̄ܬܐ ܕܩܡܫܠܝ ( ܒܝܬ ܙܐܠܝܢ) ܣܘܪܝܼܝܬܐ .
