ܣܘܩܒܠܗ ܡܝܩܪܐ ” ܟܠܕܘ ܪܡܙܝ ܐܘܓܼܢܐ ” ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܕ. ” ܡܐܪܠܝܢ ܐܘܝܫܐ ” ܗܕܡܬܐ ܕܡܘܬܒܐ ܕܡܗܝܡܢ̈ܐ ܕܫܒܟܐ ܕܝܘܕܥܐ ܥܝܪܩܝܐ ، ܝܘܡܐ ܕܚܕܒܫܒܐ 31 ܬܫܪܝܢ ܩܕܡܝܐ 2022 ܒܒܢܝܢܐ ܕܡܕܒܪܢܘܬܐ ܓܘܢܝܬܐ.
ܘܚܩܪܗܿ ܡܝܩܪܬܐ “ܐܘܝܫܐ ” ܒܡܢܝܢܐ ܪܒܐ ܕܟܫܝܪ̈ܘܬܐ ܘܥܒܘܕܘ̈ܬܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܘܦܘܪܫܢܗܿ ܡܢ ܓܢ̄ܒ ܟܡܝܘܬܐ ܘܐܕܫܝܘܬܐ ، ܘܦܪܝܫܐܝܬ ܥܕܥܐܕܐ ܕܐܘܡܢ̈ܐ ܕܚܒܝܫ̈ܬܐ ܣܘܪ̈ܝܝܐ ܗܘ ܕܛܘܝܒܠܗܿ ܡܝܩܪܬܐ “ܐܘܝܫܐ” ܠܙܘܝܚܐ ܕܦܠܓ̄ܝܬܐ ܕܕܫܢ̈ܗ ܝܘܡܐ ܕܫܒܬܐ 29 ܬܫܪܝܢ ܩܕܡܝܐ 2022 . ܘܐܦ ܗܕܟ ܡܘܚܙܐܠܗܿ ܕܡܝܪܘܬܗܿ ܒܛܘܟܣܐ ܥܠܝܐ ܘܚܒܝܫ̈ܬܐ ܡܘܩܪܒܐ ܘܥܒܘܕܘ̈ܬܐ ܦܘܪ̈ܓܝܝܐ ܡܫܚܠܦ̈ܐ، ܘܡܚܘܬܬܠܗܿ ܗܘܡܢܘܬܗܿ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܚܙܝܐܠܗܿ ܛܘܘܪܐ ܓܠܝܐ ܘܟܫܝܪܘܬܐ ܥܒܘܕܬܐ ܒܡܕܒܪܢܘܬܗܿ ܚܕܬܐ، ܘܡܘܚܙܐܠܗܿ ܛܘܝܒܐ ܕܫܒܟܐ ܕܝܘܕܥܐ ܥܝܪܩܝܐ ܠܥܘܕܪܢܐ ܥܡ ܡܕܒܪܢܘܬܐ ܓܘܢܝܬܐ ܓܘ ܟܠܝܗܝ ܟܫܝܪ̈ܘܬܗܿ ܐܬܝܢ̈ܐ.
ܘܡܢ ܓܢ̄ܒܗ ܡܘܩܪܒܠܗ ܡܝܩܪܐ “ܐܘܓܼܢܐ” ܩܘܒܠܛܝܒܘܬܐ ܠܡܝܩܪܬܐ “ܐܘܝܫܐ” ܘܡܚܘܬܬܠܗ ܕܬܪ̈ܥܐ ܕܡܕܒܪܢܘܬܐ ܓܘܢܝܬܐ ܦܬܝܚܐܝܠܗܘܢ ܠܟܝܠܝܗܝ ܕܠܐ ܦܘܪܫܢܐ ܘܡܘܥܒܪܗ ܥܠ ܛܘܝܒܐ ܕܡܕܒܪܢܘܬܐ ܓܘܢܝܬܐ ܐܡܝܢܝܐ ܘܦܨܝܚܘܬܗܿ ܒܥܘܕܪܢܐ ܥܡ ܟܠܝܗܝ ܫܘܬܐܣ̈ܐ ܡܪ̈ܕܘܬܢܝܐ ܘܐܡܢܝ̈ܐ ܒܕܥܬܝܕ ، ܘܦܪܝܫܐܝܬ ܫܒܟܐ ܕܝܘܕܥܐ ܥܝܪܩܝܐ.
