ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܝܗ̄ܒܐ ܒܘܝܝܐ ܠܡܚܘܪܐ ܘܟܬܘܒܐ ܘܣܦܪܐ ܣܘܪܝܝܐ ܪܒܐ (ܙܘܗܝܪ ܒܗܢܡ ܒܪܕܐ)

ܝܗ̄ܒܐ ܒܘܝܐܐ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܠܡܚܘܪܐ ܘܟܬܘܒܐ ܘܣܦܪܐ ܣܘܪܝܝܐ ܪܒܐ ( ܙܘܗܝܪ ܒܗܢܡ ܒܪܕܐ) ܗܘ ܕܡܫܘܢܐܠܗ ܥܠ ܣܒܪܐ ܕܩܝܡܬܐ ܒܒܓܕܕ ܨܦܪܐ ܕܝܘܡ ܬܠܬܒܫܒܐ 26/ ܢܝܣܢ/2022 ܘܒܫܘܢܝܗ ܚܣܪܗܿ ܡܪܕܘܬܐ ܥܝܪܩܝܬܐ ܘܦܪܝܫܐܝܬ ܡܪܕܘܬܐ ܣܘܪܝܝܬܐ ܚܕ ܡܢ ܡܚܘܪ̈ܗܿ ܣܘܪ̈ܝܝܐ ܡܗܝܪ̈ܐ ܘܚܣܪܗܿ ܒܪܢܫܘܬܐ ܚܕ ܒܪܢܫܐ ܛܒܐ ܠܡܐ ܕܝܗ̄ܒܠܗ ܠܚܝܘܬܐ ܟܬܝ̈ܒܬܗ ܡܥܠܝ̈ܐ ܘܡܡ̈ܠܗ ܛܝܡܢ̈ܐ ܘܢܒܗ̈ܐ ܐ̄ܢܫܝ̈ܐ ܡܝܩܪ̈ܐ ݂ ܘܦܝܫ ܕܟܝܪܐ ܕܡܫܘܢܝܐ ܝܗ̄ܘܐ ܡܫܬܐܠܢܐ ܕܡܟܬܒܐ ܣܘܪܝܝܐ ܒܚܘܝܕܐ ܓܘܢܝܐ ܕܣܦܪ̈ܐ ܘܟܬܘܒ̈ܐ ܓܘ ܥܝܪܩ ܘܐܝܬܠܗ ܡܢܝܢܐ ܪܒܐ ܡܢ ܦܪ̈ܝܣܬܐ ܡܚܪ̈ܝܐ ܘܫܪ̈ܝܐ ܟܕ ܡܘܙܝܕܠܗ ܠܒܝܬ ܐܪ̈ܟܐ ܡܪܕܘܬܢܝܐ ܪܒܐ ܡܢ ܣܝܡ̈ܗ ܣܦܪ̈ܝܐ ݂ ܘܡܘܦܩܠܗܿ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܘܡܢ ܦܪ̈ܝܣܬܗܿ ܝܕܝܥ̈ܐ (ܫܫܠܬܐ ܕܡܪܕܘܬܐ ܣܘܪܝܝܬܐ) ܡܘܦܩܠܗܿ ܠܡܫܘܢܝܐ ܟܬܒܗ ( ܕܘܟܐ ܗܠ ܥܠܡ-المكان إلى الابد) ܒܬܪܝ ܠܫܢ̈ܐ ܣܘܪܝܝܐ ܘܥܪܒܝܐ ܒܫܫܠܬܐ (7) ܫܢ̄ܬܐ 2010 ܘܝܗ̄ܘܐ ܡܢ ܡܫܬܐܣܢ̈ܐ ܠܟܫܝܪ̈ܘܬܗܿ ܡܪ̈ܕܘܬܢܝܐ ܘܝܗ̄ܘܐ ܡܛܝܒܐ ܘܡܫܘܬܦܐ ܒܐܡܝܢܘܬܐ ܓܘܝܗ ܐܝܟ ܚܠܩ̈ܝܬܐ ܕܪ̈ܫܝܐ ܚܕܪ ܓܪܐ ܕܣܘܪ̈ܝܝܐ ܓܘ ܡܪܕܘܬܐ ܥܝܪܩܝܬܐ ܘܫܒܘܥ̈ܐ ܡܪ̈ܕܘܬܢܝܐ ܣܘܪ̈ܝܝܐ ܘܪܒܐ ܡܢ ܪ̈ܡܫܐ ܡܚܪ̈ܝܐ ܘܥܡ ܦܪܣܬܐ ܕܟܬܝܒ̈ܬܗ ܓܘ ܛܒܝ̈ܥܬܗܿ ܐܩܡܝ̈ܐ ܐܝܟ ܡܓܠܬܐ ܕܒܢܐܦܠ ܘܣܦܪ ܙܒܢܐ ܕܡܪܕܘܬܐ ܐܢܝ ܕܝܗ̄ܘܐ ܡܠܘܟܐ ܡܪܕܘܬܢܝܐ ܓܘܝܗܝ ܘܗܕܡܐ ܕܣܝܥܬܐ ܕܣܝܘܡܘܬܝܗܝ ݂

Leave a Comment

Your email address will not be published. Required fields are marked *

Share via
Copy link
Powered by Social Snap