ܣܘܩܒܠܗ ܡܝܩܪܐ “ܟܠܕܘ ܪܡܙܝ ܐܘܓܼܢܐ” ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ، ܝܘܡܐ ܕܐܪܒܥܒܫܒܐ 26 ܢܝܣܢ 2023، ܣܘܩܒܠܗ ܡܦܩܢܐ ܣܝܢܡܝܐ ܥܝܪܩܝܐ ” ܢܐܨܪ ܚܣܢ” ܓܘ ܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ ܓܘ ܗܘܦܪܟܝܐ ܕܐܪܒܝܠ.
ܘܝܗ̄ܘܐ ܥܡܐ ܥܡ ܡܦܩܢܐ ” ܚܣܢ” ܓܘ ܣܥܘܪܘܬܗ ܠܡܕܒܪܢܘܬܐ ܡܦܪܝܢܐ ܘܡܦܩܢܐ ” ܒܐܙ ܐܠܒܐܙܝ” ، ܘܓܘ ܬܦܩܬܐ ܒܪܐܠܗ ܣܘܘܕܐ ܚܕܪ ܩܐܡ ܕܣܝܢܡܐ ܓܘ ܥܝܪܩ ܘܩܠܝܡܐ ܕܟܘܪܕܣܬܢ ܘܥܣܩܘ̈ܬܐ ܘܣܩܘܒܠܝܘ̈ܬܐ ܕܟܠܝ ܕܪܩܘܒܠ ܦܘܠܚܢܐ ܣܝܢܡܝܐ ܓܘ ܦܢܝܬܐ ܘܫܒܝ̈ܠܐ ܕܫܪܝܬܝܗܝ ܠܐܡܝܢܘܬܐ ܘܢܨܝܚܘܬܐ ܕܦܘܠܚܢܐ.
ܘܚܘܬܬܠܗ ” ܐܘܓܼܢܐ” ܓܘ ܬܦܩܬܐ ܥܠ ܐܢܢܩܝܘܬܐ ܕܐܡܢܐ ܓܘ ܡܡܛܝܬܐ ܕܐܓܪܬܐ ܐ̄ܢܫܝܬܐ، ܘܡܘܥܒܪܗ ܥܠ ܛܘܝܒܐ ܕܡܕܒܪܢܘܬܐ ܓܘܢܝܬܐ ܠܥܘܕܪܢܐ ܥܡ ܟܠܝܗܝ ܫܘܬܐܣ̈ܐ ܡܪ̈ܕܘܬܢܝܐ ܘܐܡܢܝ̈ܐ.
ܘܦܝܫ ܕܟܝܪܐ، ܕ ” ܢܐܨܪ ܚܣܢ” ܝܠܗ ܡܦܩܢܐ ܥܝܪܩܝܐ ܡܘܠܕܐ ܕܚܢܩܝܢ 1948 ، ܫܘܪܝܗ ܓܘ ܡܦܩܢܘܬܐ ܬܠܦܙܝܘܢܝܬܐ ܝܗ̄ܘܐ ܒܫܘܪܝܐ ܕܫܒܥܝܢܝ̈ܐ ܡܢ ܕܪܐ ܥܒܝܪܐ، ܘܦܝܫܠܗ ܓܠܝܐ ܫܡܗ ܐܝܟ ܡܦܩܢܐ ܦܪܝܫܐ ܕܦܝܠܡ̈ܐ ܐܫܛܪ̈ܝܐ ، ܘܐܝܬܠܗ ܒܗܢ ܓܝܓܠا ܡܢܝܢܐ ܡܢ ܦܘܠܚܢ̈ܐ ܘܫܘܬܦܝ̈ܬܐ ܬܒܠܝ̈ܐ.
