ܡܪܕܘܬܐ ܣܘܪܝܝܬܐ ܒܐܪܚܘܬܐ ܕܡܪܥܝܬܐ ܕܚܕܝܒ ܕܣܘܪ̈ܝܝܐ ܩܬܘܠܝܩܝ̈ܐ ܒܐܪܒܝܠ

ܣܘܩܒܠܠܗ ܪܥܝܐ ܕܡܪܥܝܬܐ ܕܚܕܝܒ ܕܣܘܪ̈ܝܝܐ ܩܬܘܠܝܩܝ̈ܐ ܒܐܪܒܝܠ ܡܝܛܪܦܘܠܝܛܐ ܡܪܝ “ܢܬܢܝܐܝܠ ܢܙܐܪ ܥܓ̰ܡ”، ܝܘܡ ܚܕܒܫܒܐ 24 ܐܕܪ 2024، ܡܫܕܪܘܬܐ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ، ܘܚܒܫܠܗܿ ܡܫܕܪܘܬܐ ܡܕܒܪܢܐ ܓܘܢܝܐ ܡܝܩܪܐ”ܟܠܕܘ ܪܡܙܝ ܐܘܓܼܢܐ”، ܘܡܕܒܪܢܐ ܕܒܝܬ ܥܬܝܩ̈ܬܐ ܕܝܪܬܘܐ ܣܘܪܝܝܬܐ ܡܝܩܪܐ “ܒܪܢܐܪܕ ܝܘܣܦ” ܘܡܢܝܢܐ ܡܢ ܫܕܬܢ̈ܐ ܕܡܕܒܪܢܘܬܐ.

ܘܕܪܫܠܗܘܢ ܬܪܘܝܗܝ ܓܢ̈ܒܢ̈ܐ ܟܫܝܪ̈ܘܐ ܘܥܒܘܕܘ̈ܬܐ ܡܪ̈ܕܘܬܢܝܐ ܘܟܢܘܫܝܝ̈ܐ ܒܫ ܐܢܢܩܝ̈ܐ ܐܢܝ ܡܛܟܣܐܠܗܘܢ ܡܕܒܪܢܘܬܐ ܓܘܢܝܬܐ ܒܡܬܚܐ ܥܒܝܪܐ، ܘܚܘܬܬܠܗ “ܐܘܓܼܢܐ” ܕܬܪ̈ܥܐ ܕܡܕܒܪܢܘܬܐ ܓܘܢܝܬܐ ܦܬܝܚ̈ܐܝܠܗܘܢ ܠܥܘܕܪܢܐ ܥܡ ܟܠܝܗܝ ܫܘܬܐܣ̈ܐ ܪ̈ܘܫܡܝܐ ܘܬܘܕܝܬܢܝ̈ܐ ܘܟܢܘܫܝܝ̈ܐ ܡܪܐ ܕܐܣܘܪܐ ܒܡܪܕܘܬܐ ܘܠܫܢܐ ܣܘܪܝܝܐ.