ܡܪܕܘܬܐ ܣܘܪܝܝܬܐ ܡܝܕܥܐ ܡܬܐܘܝܢܘܬܗܿ ܥܡ ܟܪܕܝܢܠܐ ” ܠܘܝܣ ܣܟܘ”

ܩܝܡܠܗܿ ܐܝܙܓܕܘܬܐ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ، ܒܝܘܡ ܬܪܝܢܒܫܒܐ 15 ܐܝܪ 2023 ، ܒܣܥܘܪܘܬܐ ܕܛܘܒܬܢܘܬܗ ܕܦܛܪܝܪܟܐ ܕܥܕܬܐ ܟܠܕܝܬܐ ܡܪܝ “ܠܘܝܣ ܪܘܦܐܝܠ ܣܟܘ” ܓܘ ܡܫܪܝܐ ܕܡܩܝܡܢܘܬܗ ܒܐܪܫܟܝܬܐ ܥܝܪܩܝܬܐ ܒܓܕܕ.

ܘܡܘܥܒܪܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ “ܟܠܕܘ ܪܡܙܝ ܐܘܓܼܢܐ” ܓܘ ܬܦܩܬܐ ܥܠ ܡܬܐܘܝܢܘܬܗ ܥܡ ܟܪܕܝܢܠܐ “ܣܟܘ” ܒܥܠܬܐ ܕܨܦܚܬܐ ܐ̄ܚܪܝܬܐ ܕܪܩܘܒܠܗ، ܘܡܚܘܬܬܠܗ ܕܦܛܪܝܪܟܘܬܐ ܝܠܗܿ ܡܒܘܥܢ ܬܘܕܝܬܢܝܐ ܗܝ ܕܢܟܪܚ ܟܠܝܗܝ ܢܘܣܝ̈ܐ ܕܥܒܕܬܐ ܕܒܝܫܬܐ ܕܪܩܘܒܠܗܿ.

ܘܚܒܫܠܗܿ ܐܝܙܓܕܘܬܐ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܡܝܩܪܐ ” ܟܠܕܘ ܪܡܙܝ ܐܘܓܼܢܐ” ، ܘܡܕܒܪܢܐ ܕܝܗܠܐ ܣܘܪܝܝܐ ܕܐܡܢ̈ܐ “ܠܝܬ ܒܢܝܡܝܢ” ܘܥܡ ܗܕܡ̈ܐ ܕܝܗܠܐ ܢܩܘܦܐ ܠܡܕܒܪܢܘܬܐ.

ܘܒܚܘܬܡܐ ܕܣܥܘܪܘܬܐ ܡܘܩܪܒܠܗ ܟܪܕܝܢܠܐ “ܣܟܘ” ܩܘܒܠܛܝܒܘܬܗ ܠܐܙܓܕܘܬܐ ܣܥܘܪܬܐ ܘܚܩܪܗ ܒܥܡܠܝܗܝ، ܘܒܥܐܠܗ ܠܟܠܝܗܝ ܢܨܝܚܘܬܐ ܘܡܢܬܝܬܐ ܒܦܘܠܚܢܝܗܝ.

Leave a Comment

Your email address will not be published. Required fields are marked *

Share via
Copy link
Powered by Social Snap