ܩܝܡܠܗܿ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܙܐܡܢ̈ܐ ܣܘܪ̈ܝܝܐ ، ܝܘܡ ܬܠܬܒܫܒܐ 19 ܐܕܪ 2024 ، ܒܡܝܩܪܢܘܬܐ ܕܫܕܬܢ̈ܗܿ ܐܢܝ ܕܡܛܐܠܗܘܢ ܠܫܢ̄ܬܐ ܩܢܘܢܝܬܐ ܘܦܝܫܠܗܘܢ ܡܫܘܢܝ̈ܐ ܠܡܫܘܬܒܘܬܐ ܒܡܬܚܐ ܐ̄ܚܪܝܐ، ܒܚܕ ܙܘܝܚܐ ܦܝܫܠܗ ܥܒܝܕܐ ܓܘ ܐܘܢܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܢܩܝܦܐ ܠܡܕܒܪܢܘܬܐ.
ܘܦܝܫܠܗܘܢ ܡܛܝܒ̈ܐ ܠܙܘܝܚܐ ܘܙܝܪ ܡܘܒܠܢܘܬܐ ܘܛܘܦܝ̈ܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢܢ ܡܝܩܪܐ ” ܐܢܘ ܓ̰ܘܗܪ ܥܒܕܘܟܐ ” ، ܗܘ ܕܡܘܩܪܒܠܗ ܚܕ ܡܡܠܐ ܩܘܠܣܠܗ ܓܘܗ ܠܥܡܠܐ ܕܫܕܬܢ̈ܐ ܒܚܩܠܐ ܫܕܬܢܝܐ ܫܘܠܛܢܝܐ، ܘܥܡ ܛܘܝܒܼܐ ܕܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ “ܟܠܕܘ ܪܡܙܝ ܐܘܓܼܢܐ”، ܘܡܕܒܪܢܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܡܝܩܪܐ ” ܒܪܢܐܪܕ ܝܘܣܦ” ܘܡܢܝܢܐ ܡܢ ܫܕܬܢ̈ܐ ܕܡܕܒܪܢܘܬܐ.
ܘܩܘܠܣܠܗ “ܐܘܓܼܢܐ” ܒܡܡܠܗ ܒܐܗܐ ܦܘܪܣܐ ܥܠ ܥܡܠ̈ܐ ܕܫܕܬܢ̈ܐ ܡܫܘܬܒ̈ܐ، ܘܡܘܩܪܒܠܗ ܩܘܒܠܛܝܒܘܬܗ ܠܡܐ ܕܡܘܩܪܒܠܗܘܢ ܡܢ ܬܫܡܫܬܐ ܘܡܗܘܡܢܘܬܐ ܓܘ ܦܘܠܚܢܐ ܫܕܬܢܝܐ، ܘܛܠܒܠܗ ܠܝܗܝ ܡܢܬܝܬܐ ܘܢܨܝܚܘܬܐ ܒܓܝܓܼܠ̈ܐ ܐܚܪ̈̄ܢܐ ܕܚܝܘܬܝܗܝ.
