ܩܝܡܠܗܿ ܡܫܕܪܘܬܐ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ، ܝܘܡ ܬܠܬܒܫܒܐ 27 ܫܒܛ 2024، ܒܣܥܘܪܘܬܐ ܠܡܕܒܪܢܘܬܐ ܓܘܢܝܬܐ ܕܡܪܕܘܬܐ ܬܘܪܟܡܢܝܬܐ ܓܘ ܐܪܒܝܠ، ܒܢܫܐ ܕܡܩܪܒܬܐ ܕܗܘܢܝ̈ܐ ܘܒܪ̈ܟܝܬܐ ܠܡܕܒܪܢܐ ܓܘܢܝܐ ܚܕܬܐ “ܡܚܡܕ ܕܠܫܐܕ” ܒܦܘܪܣܐ ܕܫܩܠܬܗ ܕܪܓܼܐ ܚܕܬܐ.
ܘܚܒܫܠܗܿ ܡܫܕܪܘܬܐ ܣܥܘܪܬܐ ܡܕܒܪܢܐ ܓܘܢܝܐ ܡܝܩܪܐ “ܟܠܕܘ ܪܡܙܝ ܐܘܓܼܢܐ” ، ܘܡܕܒܪܢܐ ܕܒܝܬ ܥܬܩ̈ܐ ܕܝܪܬܘܐ ܣܘܪܝܝܬܐ ܡܝܩܪܐ “ܒܪܢܐܪܕ ܝܘܣܦ”، ܘܡܕܒܪܢܝܬܐ ܕܒܝܬ ܐܪ̈ܟܐ ܣܘܪܝܝܐ “ܦܝܚܐܐ ܫܡܥܘܢ” ܘܡܢܝܢܐ ܡܢ ܫܕܬܢ̈ܐ ܕܡܕܒܪܢܘܬܐ، ܘܡܘܩܪܒܠܗܿ ܡܫܕܘܪܬܐ ܗܘܢܝ̈ܐ ܘܒܪ̈ܟܝܬܐ ܠܡܕܒܪܢܐ ܓܘܢܝܐ ܚܕܬܐ ܒܦܘܪܣܐ ܕܫܩܠܬܗ ܕܪܓܼܐ ܚܕܐ، ܘܛܠܒܠܗܘܢ ܛܠܗ ܡܢܬܝܬܐ ܘܢܨܝܚܘܬܐ ܒܦܘܠܚܢ̈ܗ ܚܕܬܐ.
ܘܫܘܪܪܠܗܘܢ ܬܪܘܝܗܝ ܓܢ̄ܒܢ̈ܐ ܒܣܘܘܕܝܗܝ ܥܠ ܐܢܢܩܝܘܬܐ ܕܥܘܕܪܢܐ ܡܫܘܬܦܐ ܒܝܢܬ ܬܪܘܝܗܝ ܓܢ̄ܒܢ̈ܐ، ܗܘ ܕܣܢܕ ܐܝܬܘܬܐ ܕܡܟܝܢ̈ܬܐ ܘܚܝܝܬܐ ܒܫܠܡܐ ܓܘ ܩܠܝܡܐ ܕܟܘܪܕܣܬܢ.
