ܦܬܚܠܗ ܒܝܬ ܐܪ̈ܟܐ ܣܘܪܝܝܐ ܢܩܘܦܐ ܠܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ، ܐܪܒܥܒܫܒܐ 17 ܐܝܪ 2023 ، ܒܝܬ ܓܠܚܐ ܕܟܬܒܐ ܦܬܝܚܐ ܒܕܘܪܬܗ ܬܪܝܢܝܬܐ ܩܘܪܒܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܒܪܘܣܬܩܐ ܕܥܢܟܒܐ ܓܘ ܗܘܦܪܟܝܐ ܕܐܪܒܝܠ.
ܘܫܘܪܐܠܗ ܒܝܬ ܓܠܚܐ ܥܒܘܕܘ̈ܬܗ ܒܦܘܬܚܐ ܕܡܢܘ̈ܬܗ ܡܫܚܠܦ̈ܐ ، ܒܬܪ ܗܕܟ ܡܡܠܐ ܕܒܝܬ ܐܪ̈ܟܐ ܟܡ ܡܩܪܒܐܠܗ ܡܕܒܪܢܝܬܗ ” ܦܝܚܐܐ ܫܡܥܘܢ” ، ܚܘܬܬܠܗܿ ܓܘܗ ܕ( ܒܝܬ ܓܠܚܢ ܕܟܬܒܐ ܝܠܗ ܚܕ ܥܝܕܐ ܫܢ̄ܬܢܝܐ ܘܫܘܦܐ ܕܣܥܘܪܘܬܐ ܕܡܢܝܢܐ ܡܢ ܐܪ̈ܚܐ ܘܟܬܘܒ̈ܐ ܘܡܚܫܒܢ̈ܐ) ، ܘܪܡܙܠܗ ܠܐܝܟ ܐܢܝ ܒܬܝ̈ ܓܠܚ̈ܐ ܝܠܝܗܝ ܐܩܡ̈ܐ ܡܪ̈ܕܘܬܢܝܐ ܢܨܝܚ̈ܐ ܫܘܬܦܝ ܒܚܦܛܢܬܐ ܕܙܘܥܐ ܡܪܕܘܬܢܝܐ ܘܫܒܩ ܟܢܘܫܝܐ ܕܡܚܒ ܩܪܝܢܐ) .
ܘܒܬܪ ܡܡܠܐ ܕܒܝܬ ܐܪ̈ܟܐ ܢܘܩܙܐ ܐܡܢܝܐ ܕܝܗܠܐ ܐܟܕܝܡܝܐ ܕܐܘܪܢܝܢܐ، ܒܬܪ ܗܕܟ ܦܝܫܠܗܘܢ ܥܒܝܕܐ ܚܘܪ̈ܩܢܐ ܕܓܪܫܬܐ ܕܕܪܥܢܐ ܕܟܬܒܐ ܕ( ܥܢܩܘܕܐ ܕܟܪܡܐ– عناقيد الكرمة) ܕܐܒܐ ܟܘܪ ܐܦܣܩܘܦܐ “ܩܪܝܩܘܣ ܚܢܐ” ܗܘ ܕܟܡ ܡܩܪܒܠܗ ܠܡܛܝܒܐ ܡܚܘܪܐ “ܨܠܚ ܣܪܟܝܣ“.
ܘܚܒܫܠܗ ܙܘܝܚܐ ܕܦܘܬܚܐ ܕܒܝܬ ܓܠܚܐ ܢܘܩܙܐ ܙܡܝܪܝܐ ܟܡ ܡܩܪܒܠܗ “ܕܠܐܘܪ ܡܪܩܘܣ“، ܒܬܪ ܗܕܟ ܝܬܒܬܐ ܕܘܪܫܝܬܐ ܦܝܫܠܗܿ ܡܬܘܓܒܪܬܐ ܒܝܕ “ ܠܝܬ ܒܢܝܡܝܢ” ܗܝ ܕܝܗ̄ܘܐ ܚܕܪ ܡܠܘܐܐ ܕ( ܕܠܝܠܘܬܐ ܕܛܒܝܥ̈ܬܐ ܕܒܨܝܪܘܬܐ ܕܩܪ̈ܘܝܐ ܕܐܝܟ ܡܣܓܠܢܚ ܕܪܢ ܩܐܡܝܐ) ܕܕ.”ܗܝܬܡ ܗܐܕܝ ܢܥܡܐܢ ܐܠܗܝܬܝ“.
ܘܦܝܫܠܗ ܚܬܝܡܐ ܝܘܡܐ ܩܕܡܝܐ ܥܒܘܕܘ̈ܬܗ ܒܢܘܩܙܐ ܐܡܢܝܐ ܐ̄ܚܪܢܐ ܕܝܗܠܐ ܐܟܕܝܡܝܐ ܕܐܘܪܢܝܢܐ.
ܘܦܝܫ ܕܟܝܪܐ ، ܕܒܝܬ ܓܠܚܐ ܕܟܬܒܐ ܦܬܝܚܐ ܒܕܘܪܬܗ ܬܪܝܢܝܬܐ ܦܝܫܠܗ ܥܒܝܕܐ ܠܡܬܚܐ ܡܢ 17-18 ܐܝܪ ܩܐܡܝܐ، ܘܚܒܫܠܗ ܥܒܘܕܘ̈ܬܗ ܝܬܒ̈ܝܬܗ ܕܘܪ̈ܫܝܐ ܘܢܘܩܙ̈ܐ ܐܡܢܝ̈ܐ ܘܙܡܝܪ̈ܝܐ ܝܪ̈ܬܘܬܢܝܐ.
