ܫܘܪܐܠܗ ( ܝܗܠܐ ܣܘܪܝܝܐ ܕܐܡܢ̈ܐ) ܢܩܘܦܐ ܠܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܕܪ̈ܫܘܬܗ ܒܚܝܘܪܘܬܐ ܕܡܕܪ̈ܫܢܐ (ܡܕܪ̈ܒܢܐ) ܡܬܕܝܠܢܝ̈ܐ ܐܬܝܢ̈ܐ ܡܢ ܣܘܪܝܐ، ܘܐ̄ܡܪܗ “ܠܝܬ ܒܢܝܡܝܢ” ، ܚܝܘܪܐ ܥܠ ܝܗܠܐ : ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܬܘܡܡܠܗܿ ܛܘܝܒ̈ܗܿ ܠܫܪܝܬܐ ܕܝܗܠܗܿ ܐܡܢܝܐ ( ܝܗܠܐ ܣܘܪܝܝܐ ܕܐܡܢ̈ܐ) ܢܩܘܦܐ ܠܡܢܬܐ ܕܐܡܢ̈ܐ ܒܡܕܒܪܢܘܬܐ، ܫܪܝܬܐ ܠܫܘܬܦܬܐ ܓܘ ܟܫܝܪ̈ܘܬܐ ܘܥܒܘܕܘ̈ܬܐ ܡܪ̈ܕܘܬܢܝܐ ܘܝܪ̈ܬܘܬܢܝܐ، ܓܘܝܐ ܕܐܬܪܐ ܘܒܪܝܗ.
ܘܡܘܙܝܕܠܗ ܒܢܝܡܝܢ ܒܐܡܪܐ: ” ܫܘܪܠܗ ܝܗܠܐ ܕܪ̈ܫܘܬܗ ܒܚܝܘܪܘܬܐ : (ܪܡܬܐ ܫܡܥܘܢ) ܘ(ܬܘܢܝ ܫܡܥܘܢ)، ܡܕܪ̈ܫܢܐ ( ܡܕܪ̈ܒܢܐ) ܚܝܘܪ̈ܐ ܥܠ ܝܗܠܐ ܕܒܪܡܝܐ ܓܘ ܒܝܬ ܙܐܠܝܢ / ܩܡܫܠܝ، ܝܘܡܐ 30 ܟܢܘܢ ܬܪܝܢܐ 2023، ܘܚܒܫܠܗܘܢ ܕܪ̈ܫܘܬܐ ܠܘܚ̈ܐ ܪ̈ܩܕܝܐ ܫܩܝܠ̈ܐ ܡܢ ܝܪܬܘܬܐ ܣܘܪܝܝܬܐ، ܥܡ ܐܡܘܪ̈ܘܬܐ ܟܬܝܒܝ̈ܐ ܚܕܪ ܦܠܟܠܘܪ ܘܥܩܪ̈ܐ ܫܪ̈ܫܝܐ ܕܪ̈ܩܕܐ ܥܡܡܝ̈ܐ ܘܦܘܪ̈ܣܝܗܝ.”
ܘܦܝܫ ܕܟܝܪܐ ܕ(ܝܗܠܐ ܣܘܪܝܝܐ ܕܐܡܢ̈ܐ) ܦܝܫܠܗ ܡܫܘܬܐܣܐ ܒܐ̄ܚܪ̈ܝܬܐ ܕܫܢ̄ܬܐ ܕ 2022 ، ܘܚܒܫ ܡܓܘܒܝ̈ܐ ܡܢ ܥܠܝܡ̈ܐ ܘܥܠܝܡ̈ܬܐ ܝܗܝܒ̈ܐ ܡܢ ܦܢܝ̈ܬܐ ܡܫܚܠܦ̈ܐ ܕܐܝܬܘܬܐ ܕܥܡܢ، ܘܡܘܝܕܥܠܗܿ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܒܥܝܬܗܿ ܠܬܪܨܬܐ ܕܗܢ ܝܗܠܐ ܘܩܪܐܠܗܿ ܒܥܝܢ̈ܐ ܠܒܝܬܝܘܬܐ ܐܠܗ ܘܠܣܓܠܢܬܐ، ܒܬܪ ܗܕܟ ܦܝܫܠܗܿ ܡܬܘܪܨܬܐ ܣܝܥܬܐ ܠܒܘܚܪܢܐ ܕܡܢܝܢܐ ܪܒܐ ܡܢ ܡܬܩܕܡܢ̈ܐ، ܠܓܒܝܬܐ ܕܗܕܡ̈ܐ ܩܐܡܝ̈ܐ ܠܦܘܬ ܡܫܘܚܝ̈ܬܐ ܘܫܪ̈ܛܐ ܐܡܢܝ̈ܐ .
