ܣܘܩܒܠܗ ܡܝܩܪܐ ” ܟܠܕܘ ܪܡܙܝ ܐܘܓܼܢܐ ” ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܐܝܙܓܕܘܬܐ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܬܘܪ̈ܟܡܢܝܐ ܒܪܫܢܘܬܐ ܕܡܕܒܪܢܗܿ ܓܘܢܝܐ “ܓܝܠܢ ܟܝܠܢ ܐܠܬܝ ܒܪܡܓܼ” ܘܥܡ ܡܢܝܢܐ ܡܢ ܫܕܬܢ̈ܐ ܕܡܪܕܘܬܐ ܬܘܪܟܡܢܝܬܐ، ܒܨܦܪܐ ܕܝܘܡ ܚܕܒܫܒܐ 19 ܫܒܛ 2023. ܘܡܘܥܒܪܗܿ ܐܝܙܓܕܘܬܐ ܣܥܘܪܬܐ ܥܠ ܕܡܝܪܘܬܗܿ ܒܡܬܩܕܡܢܘܬܐ ܪܒܬܐ ܕܚܙܐܠܗܿ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܡܕܒܪܢܘܬܗܿ ܚܕܬܐ ܘܐܝܩܪܗܿ ܒܫܘܡܠܝ̈ܐ ܪ̈ܒܐ ܘܟܫܝܪ̈ܘܬܐ ܡܫܚܠܦ̈ܐ ܐܢܝ ܡܛܟܣܐܠܗܘܢ ܡܪܕܘܬ ܣܘܪܝܝܬܐ ܥܡ ܥܕܥܐܕ̈ܐ ܘܦܪ̈ܝܣܬܐ ܘܟܠܝܗܝ ܥܒܘܕܘ̈ܬܐ ܐ̄ܚܪ̈ܢܐ. ܘܡܢ ܓܢ̄ܒܗ ܡܘܩܪܒܠܗ ܡܝܩܪܐ “ܐܘܓܼܢܐ” ܩܘܒܠܛܝܒܘܬܐ ܠܐܝܙܓܕܘܬܐ ܣܥܘܪܬܐ ܘܡܚܘܬܬܠܗ ܠܛܘܝܒܐ ܕܡܕܒܪܢܘܬܗ ܠܥܘܕܪܢܐ ܥܡ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܬܘܪ̈ܟܡܢܝܐ ܠܡܛܘܪܢܬܐ ܕܩܐܡ ܡܪܕܘܬܢܝܐ ܘܐܡܢܝܐ ܓܘ ܩܠܝܡܐ ܕܟܘܪܕܣܬܢ ܥܠ ܫܘܝ̈ܐ ܡܫܚܠܦ̈ܐ .
