ڕۆژی پێنجشەممە ٢٣ی ئایاری ٢٠٢٤، پاتریارکی ئەنتاکيا و هەموو ڕۆژهەڵاتى کەنیسەی ئۆرتۆدۆکسی سریانى، مار ئیغناتیۆس ئەفرامی دووەم، چالاکییەکانی دووەمین کۆنفرانسی ئەکادیمی ڕۆژهەڵاتی کردەوە، کە بۆ ماوەی ٢٣-٢٥ ی ئایارلە بارەگای پاتریکخانەى کەنیسە لە ئەتشانە لە لوبنان بەڕێوەدەچێت.
کۆنفرانسەکە بەناونیشانی “پرسەکانی ڕۆژهەڵات” لەلایەن سەنتەری هەنگاری بۆ لێکۆڵینەوەی مەسیحی ڕۆژهەڵات بە هاوکاری سەنتەری ڕۆژهەڵات بۆ لێکۆڵینەوە ڕێکخرابوو، کە تێیدا ژمارەیەک توێژەر و پسپۆڕی پرسەکانی مەسیحی ڕۆژهەڵات لە چەند وڵاتێکەوە بەشدارییان کرد، کە لە میانەى لە دانیشتنەکاندا باسیان لە پرسەکانی پەیوەست بە ڕۆژهەڵاتییەکان بە گشتی و مەسیحییەکانی ڕۆژهەڵات بە تایبەتی لە مێژوو، کۆمەڵناسی، کولتوور و ئابووریدا کرد، هەروەها خوێندنەوەکانيان لەسەر ڕەگ و ڕیشە و ئامادەبوون و داهاتوو.
کۆنفرانسەکە لە چوار میحوەری بنەڕەتیدا کورتکراوەتەوە (میحوەری مێژوویی، میحوەرەکەی دیمۆگرافی، میحوەری کولتووری و دواجار میحوەری ئابووری)، کە ڕێکخەرانی هیوادارن لە چوارچێوەی ئەم چوار میحوەرەدا توێژینەوەیەک بخەنە ڕوو کە تیشک دەخاتە سەر (بەشدارییە مەسیحییەکان). بۆ زەمینەی شارستانی ڕۆژهەڵاتى و چۆن دەتوانرێت نیشان بدرێت، پەیوەندییەکانی نێوان هاووڵاتیان لە ڕۆژهەڵات لە ڕووی مێژووییەوە، وئەگەری داڕشتنی ئامادەیی لەسەر بنەمای هاووڵاتیبوون بۆ هەموو هاووڵاتیانی ڕۆژهەڵات لە دەقی یاسایی و کردەی ڕاستەقینەدا، و لە کۆتاییدا ڕۆڵی هەموو ڕۆژهەڵاتییەکان لە ململانێی بەردەوام ، بە تایبەتی لە فەلەستین، و کاریگەرییەکانی لەسەر مەسیحییەکان.
لە چالاکییەکانی کردنەوەی کۆنفرانسەکەدا، کاسۆلیکۆسی ئۆرتۆدۆکسی ئەرمەنی لە ماڵی گەورەی كيليكيا ، کاسۆلیکۆس ئارامی یەکەم، بەڕێوەبەری کتێبخانەی کاسۆلیکۆسات، قەشە شاهان سەرکیسیان، مەترانى جبیل و باترون و وابەستەیان، مەتران سەلوان موسا، ڕاوێژکاری پاتریارکی کەنیسەی ئۆرتۆدۆکسی سریانى، مار تیۆفیلۆس جۆرج سالیبا، و جێگری پاتریارکی بۆ لێکۆڵینەوەکانی سریانی، مار سیڤێرس ئەخرەس، و ژمارەیەک قەشە ڕێزدارەکانی دیکە لە ئیبارشیەى بەیروت و ئیبارشیەکانى دیکەی لوبنان.
هەروەها لە کۆنفرانسەکەدا بەڕێوبەری گشتی ڕۆشنبیری و هونەری سریانی لە هەرێمی کوردستان، کلدۆ ڕەمزی ئۆغنا، ونوێنەری وەزیری دەرەوە و کۆچبەرانی لوبنان باڵیۆز ئوسامە خاشاب، ڕاوێژکاری تایبەتی کاروباری ئایینی و دیپلۆماسی لە وەزارەتی دەرەوەی هەنگاریا، مارک ئێرسیکی، سکرتێرى وڵاتى هەنگاریا بۆ هاوکاریکردنی مەسیحییە گۆشەگیرکراوەکان، و کونسوڵی هەنگاریا لە لوبنان،و زۆڵتان عەلی داغمان کاربەڕێکەرى کاروباری باڵیۆزخانەی سوریا لە لوبنان، هەروەها ئەکادیمان و… توێژەران کە ئارەزووی پرسەکانی مەسیحییەکانی ڕۆژهەڵاتیان هەیە.
پاتریارکی ئەنتاكيا و هەموو ڕۆژهەڵاتی کەنیسەی ئۆرتۆدۆکسی سریانى، ومار ئیگناتیۆس ئەفرامی دووەم، وتاری دەستپێکی کۆنفرانسی پێشکەش کرد، کە تێیدا دەستپێکردنی چالاکییەکانی کۆنفرانسی ڕاگەیاند، و ئاماژەی بە “گرنگی ئەم کۆبوونەوە ئەکادیمییە کرد، کە بە توێژینەوە بەنرخەخاکنى هیوادارین ڕۆشنایی بخاتە سەر لایەنە جۆراوجۆرەکانی شارستانیەت وکولتوور ومێژووی ئەم ڕۆژهەڵاتە ئازیزە، کە بەڕاستی بە سەرچاوەی شارستانیەتی مرۆڤایەتی دادەنرێت.”
زیاتر گوتی، “ئێمە قەرزاری باوباپیرانمانین لەم ڕۆژهەڵاتە، هەروەها قەرزاری نەوەکانی داهاتووین، بۆ گەڕانەوە بۆ کولتوورو شارستانیەتمان کە لەلایەن گەل و شانشینی یەک لە دوای یەک لەم ناوچەیەدا بنیات نراوە، و کاریگەرییان بۆ هەموو بەشەکانی جیهان درێژبووەوە”. ,” جەختیشی لەوە کردەوە کە ئامانجمان لە گەڕانەوە بۆ کولتوورو شارستانیەتمان “فێربوون لێی و ڕێنماییکردنە بۆ ڕێگای داهاتوومان بۆ ئەوەی چاکە و خۆشگوزەرانی و کەرامەتی گەلەکەمان، کە زۆرترین شتى بەنرخی وڵاتەکانمانن ،تاوەکو وڵات لەبری ئەو وڵاتە بیانییانەی کە ناچارە پەنایان بۆ ببات، سوودی لێ وەردەگرێت”.
شایانی باسە کە کۆنفرانسی ئەکادیمی ڕۆژهەڵات ساڵانە لەلایەن ناوەندی هەنگاری بۆ لێکۆڵینەوەی مەسیحی ڕۆژهەڵاتی بە هاوکاری سەنتەری ڕۆژهەڵاتی بۆخوێندن و لێکۆڵینەوە ڕێکدەخرێت.
