ئێمە ئەمڕۆ لە سەردەمێکى نوێ لە کاروانى بەڕێوەبەرایەتى گشتى ڕۆشنبیرى و هونەرى سریانیدا دەوەستین ، بەو هیوایەین کە پڕ بێت لە کاروچالاکى لە گشت بوارێکدا ، و لە پلانمان دا هەیە کە ساڵی ٢٠٢٢ نایاب و جیاکراوە و پڕبێت لە داهێنان ، بە دوایدا ساڵانى زیاتر بێت لە داهێنان ، بە هەماهەنگى ڕۆلەکانى گەلەکەمان کلدانى سریانى ئاشوورى ، و هاندان و پشتگیرى وەزارەتەکەمان ، وەزارەتى ڕۆشنبیرى و لاوان کە هەردەم هاندەرمان بووە سەرەڕاى بارودۆخى قەیرانى دارایى و پاشهاتەکانى دا .

وەک دامەزراوەییکى ڕۆشنبیرى ، لەیەک ئاستدا لەگەڵ هەمووان دەوەستین ، و دەرگاکانمان بە ڕۆى هەمووان کراوەن ، ڕۆشنبیران و ئەدیبان و شاعیر و هونەرمەند ، و کردنەوەى لاپەڕەییکى نوێ و تێپەڕاندنى هەڵەکانى ڕابردوو ، سیاسەتى نوێى بەڕێوەبەرایەتى کرانەوە و قبولکردنى جۆراوجۆرە ، کە گەنجینەیکى بە نرخە و ڕۆشنبیرییەکەمان دەوڵەمەند و دەسکەوتەکانى زیاتر دەکات ، و چالاکییەکانمان تەنها بوارى کلاسیکى ناگرێتەوە ، بەڵکو هانى هەموو دروستکەرانى ناوەڕۆک دەدەین ، بەتایبەتى لاوان و لە پلەى یەکەمى پایەى کارەکانماندا هانى نەوەى نوێ بدەین بۆ گرنگى دان بە ڕۆشنبیرى و شارستانیەت و کەلتوورى گەلەکەى ، و سەیرى داهاتووى بکات بێ ئەوەى قوڵی ڕەگەکانى کە لە زەوى نهرین دا چەسپێندراوە لە بیر بکات .