لەم دواییانەدا بەڕێوبەرایەتی گشتی ڕۆشنبیری و هونەری سریانی و لە چوارچێوەی زنجیرەی ڕۆشنبیری سریانی کتێبخانەی سریانی، کتێبێکی نوێی نووسەر، مامۆستا سامی بێهنام المالح بە ناوی (فێربوون لە ڕوانگەیەکی فراوانترەوە) بڵاوکردەوە.
کتێبەکە ئەزموونی کەسیی نووسەر لە بواری پەروەردە و فێربوون و جیاوازی نێوانیان دەگەیەنێت. کتێبی (فێربوون لە ڕوانگەیەکی فراوانترەوە) گرنگییەکی تایبەتی هەیە بۆ توێژەرانی بواری زانستە کۆمەڵایەتییەکان و لقە ئەکادیمییە نزیکەکانی پەیوەندیدار بە زانستە مرۆییەکان، بەتایبەتی کۆمەڵناسی و دەروونناسی.
کتێبەکە بەسەر شەش بابەتدا دابەشکراوە:-
بەشی یەکەم باس لەوە دەکات کە فێربوون چییە و سروشتی و پێکەوەگرێدانی پرۆسەکانی. پێناسە زانستییە فرەییەکانی لە ڕوانگە فەلسەفی و میتۆدۆلۆژییە جیاوازەکانەوە دەخرێنەڕوو و ڕوون دەکرێنەوە و هەڵدەسەنگێندرێن.
بەشی دووەم باس لە دیدگای مێژوویی دەکات، و بنەما یان هۆکارەکانی پەرەپێدانی تێڕوانینی فێربوون. هەروەها باس لەو فەلسەفە و لێکۆڵینەوە و تیۆرو ڕەوتانە دەکات کە سەریان هەڵدا و کاریگەرییان لەسەر پەرەپێدانی تێگەیشتن لە پرۆسەکانی فێربوون و پاشان ڕێکخستنی پەروەردە و قوتابخانە و وانەوتنەوە بۆ چەندین سەدە، لە شارستانیەتەکانی میزۆپۆتامیا دەستپێکرد تا گەیشتن بە سەردەمی ڕۆشنگەری.
بەشی سێیەم باس لە تیۆرەکانی فێربوونی کلاسیکی دەکات، لەگەڵ تیۆرەکانی پێش ڕەفتارەوە دەست پێدەکات وتا دەگاتە تیۆرەکانی ڕەفتار، مەعریفی و کۆمەڵایەتی کولتووری. ناساندنی ئەم تیۆریانە و کاریگەرییان لەسەر تێگەیشتن لە پرۆسەکانی فێربوون، و پاشان بەراوردکردن و دەستنیشانکردنی خاڵە بەهێز و لاوازەکان، لە ڕوانگەیەکی هاوچەرخی فێربوونەوە.
لە کاتێکدا بەشی چوارەم تەرخان کرابوو بۆ خستنەڕووی ڕەوتە تیۆرییە کارپێکراوەکانی هاوچەرخ، کە کاریگەری بەردەوامیان لەسەر فێربوون و بنیاتنانی قوتابخانە و پەرەپێدانی شێوازەکانی پەروەردە و یارمەتیدانی منداڵان و فێرخوازان لە هەموو تەمەنێکدا هەیە.
بەشی پێنجەم تیشک دەخاتە سەر ئامانجی سەرەکی کتێبەکە کە فێربوونی باش و کاریگەرە، هەروەها گرنگترین هۆکار و بناغە و پێداویستیەکانی فێربوونی باش و کاریگەر بۆ هەموو منداڵان.
بەشی شەشەم و کۆتایی باس لە بابەتێک دەکات کە لە کۆمەڵگاکانی ئێمەدا نامۆیە، و لە ئاستی پێویستدا نەبووە لە خشتەی نیگەرانییەکانی پەروەردەیی، کە بابەتی کێشەکانی فێربوونە. ئەو منداڵانەی کە بەدەست کێشەی فێربوون و کێشەی فێربوونەوە دەناڵێنن وپێویستیان بە هاوکاری پزیشکانی پسپۆڕ هەیە .
کتێبەکە بە (٢٠١) لاپەڕە بە قەبارەی مامناوەند هاتووە و ژمارەی (٧٢)ی لەناو زنجیرەکەدا هەڵگرتووە.
