ܣܥܪܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܡܝܩܪܐ”ܟܠܕܘ ܪܡܙܝ ܐܘܓܼܢܐ”، ܝܘܡ ܐܪܒܥܒܫܒܐ 24 ܢܝܣܢ 2024، ܡܫܪܝܐ ܕܡܝܛܪܦܘܠܝܛܘܬܐ ܕܒܝܪܘܬ ܟܠܕܝܬܐ ܓܘ ܩܢܛܪܘܢ ܕܡܪܬܐ ܕܪܚܡܬܐ ܐܠܗܝܬܐ ، ܘܝܗ̄ܘܘ ܒܣܩܒܠܬܗ ܪܥܝܐ ܕܡܪܥܝܬܐ ܡܝܛܪܦܘܠܝܛܐ “ܡܝܫܐܠ ܩܨܐܪܓ̰ܝ”، ܐܒܐ “ܝܘܣܦ ܚܐܠܕ”، ܘܡܕܒܪܢܝܬܐ ܕܝܘܕܥܐ ܕܡܝܛܪܦܘܠܝܛܘܬܐ ܡܝܩܪܬܐ “ܡܝܪܐ “ܡܝܫܐܠ ܩܨܐܪܓ̰ܝ”.
ܘܚܘܬܬܠܗܘܢ ܒܡܬܚܐ ܕܬܦܩܬܐ ܥܠ ܐܢܢܩܝܘܬܐ ܕܥܘܕܪܢܐ ܡܫܘܬܦܐ ܒܝܢܬ ܫܘܬܐܣ̈ܐ ܕܥܡܢ ܓܘ ܡܕܢܚܐ، ܘܡܘܒܝܢܗ “ܐܘܓܼܢܐ” ܕܬܪ̈ܥܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܦܬܝܚ̈ܐܝܠܗܘܢ ܠܥܘܕܪܢܐ ܥܡ ܟܠܝܗܝ ܫܘܬܐܣ̈ܐ ܕܥܡܢ ܓܘ ܦܢܝܬܐ.
ܘܒܚܘܬܡܐ ܕܣܥܘܪܘܬܗ ܠܡܝܛܪܦܘܠܝܛܘܬܐ ܕܒܝܪܘܬ ܟܠܕܝܬܐ، ܣܥܪܠܗ “ܐܘܓܼܢܐ” ܩܢܛܪܘܢ ܕܡܪܝ ܬܐܘܡܐ ܢܩܝܦܐ ܠܡܪܥܝܬܐ ܘܬܦܩܠܗ ܒܟܕܝܪܐ ܡܕܪܫܢܘܬܢܝܐ ܗܘ ܕܬܢܐܠܗ ܚܕܪ ܦܘܠܚܢ̈ܐ ܕܡܩܪܒܠܗܘܢ ܩܢܛܪܘܢ ܠܬܫܡܫܬܐ ܕܫܒܪ̈ܐ ܕܡܪܥܝܬܐ ܗܘ ܕܚܒܫ ܓܘ ܣܕܪ̈ܗ ܫܒܪ̈ܐ ܥܝܪ̈ܩܝܐ ܡܢ ܒܢܝ̈ ܥܡܢ ܡܬܘܬܒ̈ܐ ܬܡܐ.
