ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ”ܟܠܕܘ ܪܡܙܝ ܐܘܓܼܢܐ”، ܓܘ ܡܫܪܝܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ، ܝܘܡ ܬܠܬܒܫܒܐ 21 ܐܝܪ 2024، ܡܫܕܪܘܬܐ ܡܢ ܟܫܝܪ̈ܐ ܝܨܝܦ̈ܐ ܒܨܒܘܬܐ ܣܘܪܝܝܬܐ ܓܘ ܬܘܪܟܝܐ، ܘܚܒܫܠܗܿ ܡܫܕܪܘܬܐ ܐܒܐ ” ܓ̰ܪܓ̰ܝܣ ܐܝܫܩ” ، ܘܟܫܝܪܐ ܓܘ ܠܫܢܐ ܣܘܪܝܝܐ “ܝܘܣܦ ܒܓܬܫ، ܘܟܫܝܪܐ ܐܘܡܬܢܝܐ ” ܡܪܘܓܝ ܝܠܓ̰ܝܢ ” ܘܟܫܝܪܬܐ ” ܚܐܢܡ ܒܓܬܫ”.
ܘܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܩܐܡ ܡܪܕܘܬܢܝܐ ܣܘܪܝܝܐ ܓܘ ܥܝܪܩ ܘܩܠܝܡܐ ܕܟܘܪܕܣܬܢ ܘܦܢܝܬܐ، ܘܪܡܙܠܗ “ܐܘܓܼܢܐ” ܕܬܪ̈ܥܐ ܕܡܕܒܪܢܘܬܐ ܦܬܝܚ̈ܐܝܠܗܘܢ ܠܥܘܕܪܢܐ ܥܡ ܟܠܝܗܝ ܦܪ̈ܨܘܦܐ ܘܫܘܬܐܣ̈ܐ ܡܪ̈ܕܘܬܢܝܐ ܒܓܘܝܐ ܕܐܬܪܐ ܘܒܪܝܗ، ܒܢܝܫܐ ܕܩܘܝܡܐ ܒܩܐܡ ܡܪܕܘܬܢܝܐ ܣܘܪܝܝܐ ܓܘ ܐܬܪ̈ܘܬܐ ܕܡܕܢܚܐ ܘܛܘܪܢܬܗ.
ܘܒܚܘܬܡܐ ܕܬܦܩܬܐ ܡܘܩܪܒܠܗ ” ܐܘܓܼܢܐ” ܢܘܣܟܐ ܡܢ ܡܢܝܢܐ ܐ̄ܚܪܝܐ ܡܢ ܡܓܼܠܬܐ ܕ(ܒܢܐܦܠ) ܗܝ ܕܢܦܩܐ ܐܩܡܐܝܬ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܕܥܝܪܩ.
