ܩܛܪܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ ܡܝܩܪܐ ” ܟܠܕܘ ܪܡܙܝ ܐܘܓܼܢܐ” ، ܝܘܡ ܚܕܒܫܒܐ 21 ܟܢܘܢ ܬܪܝܢܐ 2024، ܓܘ ܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ، ܩܛܪܗ ܚܕܐ ܟܦܫܬܐ ܥܡ ܡܕܒܪ̈ܢܐ ܕܡܢܘ̈ܬܐ ܘܡܕܒܪ̈ܢܘܬܐ ܢܩܝܦ̈ܐ ܠܡܕܒܪܢܘܬܐ، ܠܕܘܪܫܐ ܕܚܘܟܡܐ ( ܦܠܥܢܐ) ܕܦܘܠܚܢܐ ܕܫܢ̄ܬܐ ܚܕܬܐ 2024.
ܘܛܘܝܡܢܗ “ܐܘܓܼܢܐ” ܓܘ ܟܦܫܬܐ ܠܦܘܠܚܢܐ ܕܫܘܬܐܣ̈ܐ ܘܡܕܒܪ̈ܢܘܬܐ ܢܩܝܦ̈ܐ ܠܡܕܒܪܢܘܬܐ ܓܘܢܝܬܐ ܒܥܘܕܪܢܝܗܝ ܐܡܝܢܝܐ ܒܟܫܝܪ̈ܘܬܐ ܘܥܒܘܕܘ̈ܬܐ ܐܢܝ ܕܩܝܡܠܗ ܓܘܝܗܝ ܡܕܒܪܢܘܬܐ ܒܫܢ̄ܬܐ ܥܒܝܪܬܐ ، ܘܫܘܪܪܠܗ ܥܠ ܐܢܢܩܝܘܬܐ ܕܥܘܕܪܢܐ ܒܡܬܚܐ ܕܟܫܝܪ̈ܘܬܐ ܘܥܒܘܕܘ̈ܬܐ ܐܬܝܢ̈ܐ ܒܣܒܪܐ ܒܕ ܦܝܫܝ ܥܒܝܕܐ ܒܡܬܚܐ ܕܫܢ̄ܬܐ ܩܐܡܝܬܐ 2024 .
ܘܦܝܫܠܗ ܕܪܝܫܐ ܓܘ ܟܦܫܬܐ ܚܘܟܡܐ ( ܦܠܥܢܐ) ܕܦܘܠܚܢܐ ܕܫܢ̄ܬܐ ܚܕܬܐ ܘܬܢܝܬܐ ܕܟܫܝܪ̈ܘܬܐ ܘܥܒܘܕܘ̈ܬܐ ܐܢܝ ܒܕ ܩܝܡܐ ܓܘܝܗܝ ܡܕܒܪܢܘܬܐ ܓܘ ܦܢܝ̈ܬܐ ܡܫܚܠܦ̈ܐ ܕܥܡܢ ܒܡܬܚܐ ܕܫܢ̄ܬܐ ܩܐܡܝܬܐ
