ܚܬܡܠܗ ܡܕܒܪܢܐ ܕܡܕܒܪܢܘܬܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܢܩܝܦܬܐ ܠܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ “ܒܪܢܐܪܕ ܝܘܣܦ”، ܝܘܡ ܚܕܒܫܒܐ 5 ܐܝܪ 2024 ، ܟܪܘܟܼܝܗ ܒܐܪܫܟܝܬܐ ܬܘܪܟܝܬܐ ܐܢܩܪܐ، ܡܢ ܡܫܕܪܘܬܐ ܕܫܘܠܛܢܘܬܐ ܕܩܠܝܡܐ ܕܟܘܪܕܣܬܢ ܒܪܫܢܘܬܐ ܕܘܙܝܪ ܕܩܠܝܡܐ ܕܡܟܝܢ̈ܬܐ ܡܝܩܪܐ “ܐܝܕܢ ܡܥܪܘܦܿ”.
ܘܫܘܪܐܠܗܿ ܡܫܕܪܘܬܐ ܟܪܘܟܼܝܗܿ، ܝܘܡ ܚܡܫܒܫܒܐ 2 ܐܝܪ 2024 ، ܒܚܕܐ ܣܥܘܪܘܬܐ ܠܡܟܬܒܐ ܕܡܘܬܒܐ ܬܒܠܝܐ ܕܓܠܝܘܢܝ̈ܐ ، ܗܘ ܡܫܪܝܗ ܝܠܗ ܒܐܢܩܪܐ، ܘܚܙܐܠܗܿ ܟܫܝܪ̈ܘܬܗ، ܒܬܪ ܗܕܟ ܫܘܢܐܠܗܿ ܠܘܙܝܪܘܬܐ ܕܡܪܕܘܬܐ ܘܕܝܪܘܬܐ ܬܘܪܟܝܬܐ، ܘܝܗ̄ܘܐ ܒܣܩܒܠܬܝܗܝ ܚܠܦ ܘܙܝܪܐ ܕܟܬܘܪ “ܣܪܕܐܪ ܟ̰ܐܡ”.
ܘܒܨܐܠܗ ܡܕܒܪܢܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܡܝܩܪܐ “ܒܪܢܐܪܕ ܝܘܣܦ” ܒܡܬܚܐ ܕܣܥܘܪܘܬܐ، ܫܒܝܠ̈ܐ ܕܚܝܠܢܬܐ ܕܐܣܘܪ̈ܐ ܡܪ̈ܕܘܬܢܝܐ ܒܝܢܬ ܬܪܘܝܗܝ ܓܢ̄ܒܢ̈ܐ، ܘܐܢܢܩܝܘܬܐ ܕܫܘܬܦܬܐ ܕܡܪܕܘܬܐ ܘܐܡܢ̈ܐ ܘܝܪܬܘܬܐ ܣܘܪܝܝܬܐ ܓܘ ܥܕܥܐܕ̈ܐ ܐܢܝ ܒܕ ܦܝܫܝ ܥܒܝܕܐ ܓܘ ܡܢܝܢܐ ܡܢ ܗܘܦܪ̈ܟܝܐ ܒܝܪܚܐ ܕܬܫܪܝܢ ܩܕܡܝܐ ܐܬܝܢܐ.
