ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ ܢܕܘܒܼܝ̈ܬܐ ܕܥܒܘܕܘܬܐ ܕܒܝܬ ܒܘܫܠܐ ܝܘܪܬܢܝܐ ܣܘܪܝܝܐ

ܒܢܝܫܐ ܕܛܝܡܢܬܐ ܕܥܡܠܝܗܝ ܡܘܩܪܒܐ ܘܡܫܘܬܦܬܝܗܝ ܥܒܘܕܬܐ ܒܢܨܚܢܐ ܕܥܕܥܐܕܐ ܕܝܘܪܬܢܐ ܣܘܪܝܝܐ ܬܪܝܢܐ ، ܗܘ ܕܦܝܫܠܗ ܥܒܝܕܐ ܒܝܕ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܓܘ ܢܝܣܢ 2022 ، ܡܘܩܪܒܠܗ ܡܝܩܪܐ ( ܟܠܕܘ ܪܡܙܝ ܐܘܓܼܢܐ) ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ، ܙܪܝܐ ܕܡܝܩܪܢܘܬܐ ܠܢܫ̈ܐ ܠܡܫܘܬܦܬܐ ܓܘ ܥܒܘܕܘܬܐ ܕܒܝܬ ܒܘܫܠܐ ܝܘܪܬܢܝܐ ܣܘܪܝܝܐ .

ܘܐܬܝܠܗ ܗܕ ܫܪܝܬܐ ܠܠܘܒܒܐ ܘܐܝܩܪܐ ܠܥܡܠܐ ܢܕܘܒܐ ܡܘܩܪܒܐ ܒܡܬܚܐ ܕܝܘ̈ܡܬܐ ܕܥܕܥܐܕܐ، ܘܟܡܝܠܐ ܒܛܘܝܒ̈ܐ ܘܥܡܠ̈ܐ ܡܘܩܪܒܐ ܒܝܕ ܩܝܡܢ̈ܐ ܥܠ ܥܕܥܐܕܐ، ܕܡܫܕܪܐ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܓܘ ܗܕ ܫܪܝܬܐ، ܚܕܐ ܐܓܪܬܐ ܕܚܘܒܐ ܘܐܝܩܪܐ ܘܡܚܬܬܐ ܡܝܩܪܘܬܗܿ ܠܟܠܝܗܝ ܡܫܘܬܦܢ̈ܐ ܓܘ ܟܫܝܪ̈ܘܬܐ ܘܥܒܘܕܘܝ̈ܬܐ ܡܪ̈ܕܘܬܢܝܐ ܘܐܡܢܝ̈ܐ ܘܝܘܪ̈ܬܢܝܐ ، ܐܢܝ ܕܟܡ ܛܟܣܐܠܗܘܢ ܘܒܕ ܡܛܟܣܐܠܗܘܢ ܒܕܥܬܝܕ ܩܪܝܒܐ.

Leave a Comment

Your email address will not be published. Required fields are marked *

Share via
Copy link
Powered by Social Snap