ܣܥܪܠ̄ܗܿ ܡܫܕܪܘܬܐ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܡܟܬܒܐ ܕܪܐܕܝܘ ܡܪܝܡ- ܐܪܒܠ ܒܥܢܟܒܐ ܝܘܡ ܐܪܒܥܒܫܒܐ 23 ܐܒ 2023 ܒܦܘܪܣܐ ܕܕܟܪܐ ܚܡܝܫܝܐ ܠܫܘܬܐܣܐ ܕܦܪܣܩܠܐ.
ܘܐ̄ܬܐܠܗܿ ܡܫܕܪܘܬܐ ܒܪܫܢܘܬ ܡܝܩܪܐ ܟܠܕܘ ܪܡܙܝ ܐܘܓܼܢܐ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܘܡܢܝܢܐ ܡܢ ܫܕܬܢܝ̈ܐ ܕܡܕܒܪܢܘܬܐ. ܘܡܘܩܪܒܠܗܿ ܡܫܕܪܘܬܐ ܗܘܢܝ̈ܗܿ ܠܡܕܒܪܢܘܬ ܘܟܐܕܪ̈ܐ ܕܦܪܣܩܠܐ ܒܦܘܪܣܐ ܕܕܟܪܐ ܕܫܘܬܐܣܗܿ ܘܒܥܐܠܗܿ ܠܗܘܢ ܫܘܘܫܛܐ ܘܢܨܚܢܐ ܒܐܓܪܬܗܘܢ ܝܘܕܥܝܬܐ.
ܘܡܘܚܙܐܠܗ ܐܘܓܼܢܐ ܒܥܕܢ ܣܥܘܪܘܬܐ ܛܘܝܒܐ ܕܡܕܒܪܢܘܬܐ ܓܘܢܝܬܐ ܠܡܪܕܘܬܐ ܘܐܡܢ̈ܐ ܣܘܪ̈ܝܝܐ ܠܥܘܕܪܢܐ ܥܡ ܟܠܗܘܢ ܫܘܬܐܣ̈ܐ ܝܘܕܥܝ̈ܐ ܒܡܐ ܕܡܫܡܫ ܘܡܥܙܙ ܐܝܬܘܬܗ ܒܐܪܥܐ ܕܐܒܗ̈ܬܐ.
