ܣܥܪܠܗ “ܫܐܪܠܝ ܐܢܒܝܐ” ܡܛܦܣܢܐ ܕܟܠܕܝ̈ܐ ܘܐܬܘܪ̈ܝܐ ܓܘ ܡܘܬܒܐ ܕܡܠܘܟܘܬܐ ܐܝܪܢܝܐ، ܒܚܒܪܘܬܐ ܕܘܙܝܪܐ ܕܡܘܒܠܢܘܬܐ ܘܛܘܦܝ̈ܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ ܡܝܩܪܐ “ܐܢܘ ܓ̰ܘܗܪ ܥܒܕܘܟܐ” ، ܠܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܒܥܢܟܒܐ ܝܘܡܐ ܕܚܕܒܫܒܐ 12 ܬܫܪܝܢ ܬܪܝܢܐ 2023، ܘܝܗ̄ܘܐ ܒܣܩܒܠܬܝܗܝ ܡܝܩܪܐ “ܟܠܕܘ ܪܡܙܝ ܐܘܓܼܢܐ” ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ، ܘܡܝܩܪܐ ” ܒܪܢܐܪܕ ܝܘܣܦ” ܡܕܒܪܢܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ.
ܘܟܪܟܼܠܗ ܐܪܚܐ ܓܘ ܡܢܘ̈ܬܐ ܕܒܝܬ ܥܬܝܩ̈ܬܐ ܘܚܙܠܗ ܩܢܝܢ̈ܗ. ܘܡܘܥܒܪܗ ܥܠ ܕܡܝܪܘܬܗ ܒܓܠܚ̈ܐ ܘܦܪܝܫܐܝܬ ܒܦܪܣܬܐ ܓܘܕܢܝܬܐ ܬܫܥܝܬܢܝܬܐ ܘܠܒܘܫ̈ܐ ܝܪ̈ܬܘܬܢܝܐ ܘܥܡ ܐܘܢܐ ܡܪܕܘܬܢܝܐ ܕܚܒܫ ܨܘܪ̈ܬܐ ܘܫܪ̈ܒܐ ܕܚܝ̈ܐ ܕܡܒܥܢ̈ܐ ܘܡܥܒܕܢ̈ܐ ܘܡܚܫܒܢ̈ܐ ܡܢ ܒܢܝ̈ ܥܡܢ.
ܘܡܘܥܒܪܗ ” ܐܢܒܝܐ” ܥܠ ܐܝܩܪܗ ܠܓܪܐ ܕܩܐܡ ܓܘܗ ܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܒܥܢܟܐ ܒܣܓܠܢܬܗ ܚܕ ܡܡܠܐ ܟܪܝܐ ܓܘ ܣܓܠܐ ܕܣܥܘܪ̈ܘܬܐ.
