ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ “ܟܠܕܘ ܪܡܙܝ ܐܘܓܼܢܐ” ܒܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ، ܝܘܡ ܚܡܫܒܫܒܐ 7 ܐܕܪ 2024 ، ܡܫܕܪܘܬܐ ܡܢ ܡܕܒܪܢܘܬܐ ܓܘܢܝܬܐ ܕܡܠܦܢܘܬܐ ܣܘܪܝܝܬܐ ܒܘܙܝܪܘܬ ܬܪܒܝܬܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ ܚܒܫܠܗܿ ܡܕܒܪܢܐ ܓܘܢܝܐ “ܢܙܐܪ ܚܢܐ ” ܘܒܚܝܪܐ ܡܠܫܢܢܐ “ܨܒܐܚ ܐܢܛܘܐܢ”، ܘܡܢܝܢܐ ܡܢ ܫܕܬܢ̈ܐ ܕܡܕܒܪܢܘܬܐ.
ܘܕܪܫܠܗܘܢ ܒܡܬܚܐ ܕܣܥܘܪܘܬܐ ܠܟܫܝܪ̈ܘܬܐ ܘܥܒܘܕܘ̈ܬܐ ܐܢܝ ܡܛܟܣܐܠܗܘܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܦܢܝ̈ܬܐ ܡܫܚܠܦ̈ܐ ܕܥܡܢ ܘܦܪܝܫܐܝܬ ܐܢܝ ܕܝܨܦܝ ܒܡܪܕܘܬܐ ܘܠܫܢܐ ܣܘܪܝܝܐ ܘܥܡ ܡܨܝܢܘܬܐ ܕܥܘܕܪܢܐ ܡܫܘܬܦܐ ܘܥܒܕܬܐ ܕܬܪ̈ܡܝܬܐ ܡܪ̈ܕܘܬܢܝܐ ܡܫܘܬܦ̈ܐ.
ܘܚܘܬܬܠܗ “ܐܘܓܼܢܐ” ܕܬܪ̈ܥܐ ܕܡܕܒܪܢܘܬܐ ܓܘܢܝܬܐ ܦܬܝܚ̈ܐܝܠܗܘܢ ܠܥܘܕܪܢܐ ܥܡ ܟܠܝܗܝ ܫܘܬܐܣ̈ܐ ܪ̈ܘܫܡܝܐ ܡܪܐ ܕܐܣܘܪܐ ܒܡܪܕܘܬܐ ܘܠܫܢܐ ܣܘܪܝܝܐ.