ܣܥܪܠܗܿ ܡܫܕܪܘܬܐ ܡܢ ܡܕܒܪ ܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ، ܝܘܡ ܚܕܒܫܒܐ 3 ܐܕܪ 2024، ܟܢܘܫܝܐ ܓܘܢܝܐ ܕܕܝܪܝܘܬܐ ܐܢܛܘܢܝܬܐ ܗܘܪܡܙܕܝܬܐ ܟܠܕܝܬܐ ܓܘ ܪܘܣܬܩܐ ܕܥܢܟܒܐ، ܘܝܗ̄ܘܘ ܒܣܩܒܠܬܝܗܝ ܪܫܐ ܓܘܢܝܐ ܕܕܝܪܝܘܬܐ ܐܒܐ ܕ.”ܣܐܡܪ ܨܘܪܝܫܘ ܝܘܚܢܐ” ܘܡܕܒܪܢܐ ܕܩܢܛܪܘܢ ܕܣܪ̈ܝܛܬܐ ܣܘܪ̈ܝܝܐ ܐܒܐ ” ܝܘܣܦ ܝܘܢܘ ܣܡܥܐܢ ܥܓ̰ܡ”.
ܘܟܪܟܼܠܗܿ ܡܫܕܪܘܬܐ ܒܣܥܘܪܘܬܗܿ ܒܡܢܘ̈ܬܐ ܕܟܢܘܫܝܐ ܕܝܪܝܐ ܘܚܙܐܠܗܿ ܡܢܘ̈ܬܗ ܘܒܝܬ ܐܪ̈ܟܐ ܕܐܝܬ ܓܘܗ، ܘܥܡ ܝܕܥܬܐ ܕܟܫܝܪ̈ܘܬܗ ܠܕܘܪܫܐ ܕܡܨܝܢܘܬܐ ܕܥܘܕܪܢܐ ܡܫܘܬܦܐ ܘܥܒܕܬܐ ܕܬܪ̈ܡܝܬܐ ܡܪ̈ܕܘܬܢܝܐ ܡܫܘܬܦ̈ܐ.
ܘܚܘܬܬܠܗ “ܐܘܓܼܢܐ” ܕܬܪ̈ܥܐ ܕܡܕܒܪܢܘܬܐ ܓܘܢܝܬܐ ܦܬܝܚ̈ܐܝܠܗܘܢ ܠܥܘܕܪܢܐ ܥܡ ܟܠܝܗܝ ܫܘܬܐܣ̈ܐ ܡܪ̈ܕܘܬܢܝܐ ܘܐܡܢܝ̈ܐ ܘܟܢܘܫܝܝ̈ܐ ܡܪܐ ܕܐܣܘܪܐ ܒܡܪܕܘܬܐ ܘܠܫܢܐ ܣܘܪܝܝܐ.
ܘܚܒܫܠܗܿ ܡܫܕܪܘܬܐ ܕܡܕܒܪܢܘܬܐ ܡܕܒܪܢܐ ܓܘܢܝܐ ܡܝܩܪܐ “ܟܠܕܘ ܪܡܙܝ ܐܘܓܼܢܐ” ، ܘܡܕܒܪܢܐ ܕܒܝܬ ܥܬܩ̈ܐ ܕܝܪܬܘܬܐ ܣܘܪܝܝܬܐ ܡܝܩܪܐ “ܒܪܢܐܪܕ ܝܘܣܦ” ܘܡܢܝܢܐ ܡܢ ܫܕܬܢ̈ܐ ܕܡܕܒܪܢܘܬܐ.
ܘܦܝܫ ܕܟܝܪܐ، ܕܕܝܪܝܘܬܐ ܐܢܛܘܢܝܬܐ ܗܘܪܡܙܕܝܬܐ ܟܠܕܝܬܐ ܦܝܫܠܗܿ ܡܫܘܬܐܣܬܐ ܥܠ ܐܝܕܐ ܕܐܒܐ “ܓ̰ܒܪܐܝܠ ܕܢܒܘ” ܫܢ̄ܬܐ ܕ(1808) ܘܦܝܫܠܗ ܡܫܘܪܪܬܐ ܐܝܟ ܡܛܟܣܬܐ ܕܝܪܝܘܬܢܝܬܐ ܐܝܬܠܗܿ ܩܢܘܢ̈ܗܿ ܕܝܠܢܝ̈ܐ ܡܢ ܟܘܡܪܐ ܪܒܐ، ܦܦܐ “ܓܪܝܓܘܪܝܘܣ ܕܫܬܥܣܪ”، ܒܣܝܩܘܡ 26 ܐܝܠܘܠ ܫܢ̄ܬܐ ܕ( 1845).
