ܡܛܘܟܣܠܗܿ ܡܕܒܪܢܘܬܐ ܕܝܪܬܘܬܐ ܘܒܝܬ ܥܬܝܩ̈ܬܐ ܣܘܪܝܝܐ ܢܩܘܦܬܐ ܠܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ، ܒܥܘܕܪܢܐ ܥܡ ܡܛܟܣܬܐ ܕܫܠܘܡܘ ܕܫܛܪܬܐ، ܝܬܒܬܐ ܣܘܘܕܝܬܐ ܚܕܪ ܐܝܟܢܝܘܬܐ ܕܡܛܘܪܢܘܬܐ ܘܚܡܝܬܐ ܕܫܘܦܐ (ܐܫܘܪ) ܥܬܩܝܐ ܓܘ ܪܘܣܬܩܐ ܕܫܪܩܐܛ ܒܗܘܦܪܟܝܐ ܕܨܠܚ ܐܠܕܝܢ ܝܘܡܐ ܕܬܪܝܢܒܫܒܐ 28 ܐܒ 2023 ܓܘ ܐܘܢܐ ܕܡܕܒܪܢܘܬܐ ܕܝܪܬܘܬܐ ܘܒܝܬ ܥܬܝܩ̈ܬܐ ܣܘܪܝܝܐ ܒܥܢܟܒܐ.
ܡܬܘܓܒܪܗ ܝܬܒܬܐ “ܦܐܪܣ ܓ̰ܓ̰ܘ” ܘܙܝܪܐ ܕܝܘܠܦܢ̈ܐ ܘܬܟܢܘܠܘܓ̰ܝܐ ܥܝܪܩܝܐ ܩܕܝܡܐ ܘ”ܒܪܢܐܪܕ ܝܘܣܦ” ܡܕܒܪܢܐ ܕܝܪܬܘܬܐ ܘܒܝܬ ܥܬܝܩ̈ܬܐ ܣܘܪܝܝܐ ܘܬܢܐܠܗܿ ܓܘܗܿ ܕܟܬܘܪܐ “ܝܠܕܐ ܪܐܙܡܐܗܐܢܓ̰”، ܐܡܘܪܬܐ ܒܒܝܬ ܨܘܒܐ ܐܡܪܝܟܝܬܐ ܓܘ ܥܝܪܩ-ܣܠܝܡܢܝܐ ܘܫܕܬܢܬܐ ܓܘ ( ܩܢܛܪܘܢ ܕܒܝܬ ܨܘܒܐ ܐܡܪܝܟܝܐ ܓܘ ܣܠܝܡܢܝܐ ܕܥܬܩ̈ܐ ܘܝܪܬܘܬܐ ܡܪܕܘܬܢܝܬܐ) ܒܛܘܝܒܐ ܕܡܝܩܪܐ “ܦܐܪܘܩ ܚܢܐ” ܬܚܠܘܦܐ ܒܦܪܠܡܢ ܥܝܪܩܝܐ ܘܡܝܩܪܐ “ܟܠܕܘ ܪܡܙܝ ܐܘܓܼܢܐ” ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܘܡܢܝܢܐ ܡܢ ܒܢܝ̈ ܪܘܣܬܩܐ ܕܫܪܩܐܛ ܘܝܨܘܦ̈ܐ ܒܚܩܠܐ ܝܪܬܘܬܢܝܐ ܘܥܬܩܝܐ.
ܘܦܝܫܠܗ ܕܪܝܫܐ ܒܝܬܒܬܐ ܫܒܝܠ̈ܐ ܕܢܛܪܬܐ ܥܠ ܥܬܩ̈ܐ ܕܐܫܘܪ ܘܡܛܘܪܢܬܝܗܝ ܘܝܨܝܦܘܬܐ ܒܓܘܝܗܝ ܕܦܝܫܝ ܚܕ ܩܢܛܪܘܢ ܕܓܪܫܬܐ ܕܕܝܪܘܬܐ ܕܘܟܬܢܝܬܐ ܘܬܒܠܝܬܐ، ܘܥܡ ܡܝܕܥܬܐ ܕܝܘܒ̈ܠܐ ܥܠܝܡܝ̈ܐ ܒܓܘܝܗܝ ܘܒܬܫܥܝܬܝܗܝ ܫܪܫܝܬܐ.
ܘܓܘ ܚܘܬܡܐ ܕܝܬܒܬܐ، ܡܫܘܬܦܠܗܘܢ ܡܛܝܒ̈ܐ ܒܫܘܐܠ̈ܐ ܘܪ̈ܥܝܢܐ، ܘܢܦܩܠܗܿ ܝܬܒܬܐ ܒܡܢܝܢܐ ܡܢ ܦܘܩܕ̈ܐ ܘܦܘܣܩܢ̈ܐ ܒܕ ܦܝܫܝ ܪܝܡܐ ܠܓܢ̄ܒܢ̈ܐ ܡܬܕܝܠܢܝ̈ܐ ܓܘ ܫܘܠܛܢܘܬܐ ܥܝܪܩܝܬܐ.
