ܢܦܩܠܗ ܡܢܝܢܐ ܚܕܬܐ ܡܢ ܡܓܠܬܐ ܕܒܢܐܦܠ ( ܩܝܛܐ 2023) ܒܫܫܠܬܐ ( 49 ) ܒܝܕ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ، ܒܬܪܝܢ ܢܘܣܟ̈ܐ ܘܪܩܝܐ ܘܐܠܟܬܪܘܢܝܐ، ܘܐ̄ܬܝܠܗ ܡܢܝܢܐ ܡܠܝܐ ܒܡܠܘ̈ܐܐ ܥܬܝܪ̈ܐ ܘܡܫܚܠܦ̈ܐ.
ܘܓܘ ( ܡܡܠܠܐ ܩܕܡܝܐ) ܐ̄ܬܝܠܗ ܒܡܢܝܢܐ ܡܘܒܝܢܗ ܓܘܫܡܐ ܕܣܝܘܡܘܬܐ ܕ(ܒܢܐܦܠ) ܕܒܥܒܕܐܝ̄ܠܗ ܐܓܼܘܢܐ ܕܦܝܫܚ ܐܡܝܢܝ̈ܐ ܥܡܘܟܢ ܘܢܩܘܦ̈ܐ ܒܚܕܕܐ ܒܡܐܙܠܬܐ ܕܡܓܠܬܘܟܢ ܗܝ ܥܬܝܪܬܐ ܒܡܠܘܐ̈ܐ ܘܡܠܝܬܐ ܡܢ ܒܘܨܝ̈ܐ ܘܕܪ̈ܫܝܬܐ ܘܗܝ ܢܨܝܚܬܐ ܒܛܒ̈ܐ ܕܟܫܝܪ̈ܘܬܐ ܘܥܒܘܕܘ̈ܬܐ ܠܚܘܕܝ̈ܐ ܐܢܝ ܡܛܟܣܐܠܗܘܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ .
ܘܒܚܘܬܡܐ ܕܡܡܠܠܐ ܒܐ̄ܡܪܚ: ܡܓܠܬܘܟܢ ܥܡܝܪܬܐܝܠܗܿ ܓܘܘܟܢ ܘܡܐܙܠܬܗܿ ܐܡܝܢܝܬܐܝܠܗܿ ܒܣܢܕܬܘܟܢ ܘܠܒܝܒܘܬܘܟܢ ܠܐ ܡܬܚܡܬܐ، ܘܣܘܟܝܢ ܒܙܘܕܐ ܡܢ ܢܨܝܚܘܬܐ ܘܒܪܘܝܘܬܐ ܕܠܝܬܠܗܿ ܬܚܘܡ̈ܐ.
ܘܦܝܫ ܕܟܝܪܐ ܕܡܓܠܬܐ ܕܒܢܐܦܠ ܝܠܗܿ ܐܩܡܝܬܐ ܡܪܕܘܬܢܝܬܐ ܢܦܩܐ ܒܝܕ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܒܐܪܒܥܐ ܠܫܢ̈ܐ ܝܠܝܗܝ ܣܘܪܝܝܐ، ܥܪܒܝܐ، ܩܘܪܕܝܐ ܘܐܢܓܠܝܙܝܐ، ܡܪ ܦܘܪܫܢܐ: ܘܙܝܪ ܡܪܕܘܬܐ ܘܥܠܝܡ̈ܐ، ܪܫ ܣܝܘܡܘܬܐ: ܟܠܕܘ ܪܡܙܝ ܐܘܓܹܢܐ، ܘܢܛܪ ܐ̇ܪܙܐ ܕܣܝܘܡܘܬܐ : ܓ̰ܘܪܓ̰ܝܢܐ ܒܗܢܐܡ ܚܒܐܒܐ.
ܘܡܨܝܬܘܢ ܠܩܪܝܬܐ ܕܡܢܝܢܐ ܚܕܬܐ ܠܬܚܝܬ :