ܩܝܡܠܗܿ ܡܫܕܪܘܬܐ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ، ܝܘܡ ܬܠܬܒܫܒܐ 29 ܢܝܣܢ 2025، ܒܣܥܘܪܘܬܐ ܠܡܫܪܝܐ ܓܘܢܝܐ ܕܡܘܬܒܐ ܐܘܡܬܢܝܐ ܟܠܕܝܐ ܓܘ ܥܢܟܒܐ، ܠܡܩܪܒܬܐ ܕܗܘܢܝ̈ܐ ܘܒܪ̈ܟܝܬܐ ܒܦܘܪܣܐ ܕܕܟܪܐ ܕ 23 ܠܫܬܐܣܬܗ ، ܘܝܗ̄ܘܘ ܒܣܩܒܠܬܝܗܝ ܪܫ ܡܘܬܒܐ (ܓ̰ܢܐܢ ܓ̰ܒܐܪ) ܘܡܢܝܢܐ ܡܢ ܗܕܡ̈ܐ ܕܓܘܫܡܐ ܦܩܘܕܝܐ ܓܘ ܡܘܬܒܐ.
ܘܚܒܫܠܗܿ ܡܫܕܪܘܬܐ ܣܥܘܪܬܐ ܡܕܒܪܢܐ ܓܘܢܝܐ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܘܡܢܝܢܐ ܡܢ ܫܕܬܢ̈ܐ ܕܡܕܒܪܢܘܬܐ، ܟܕ ܡܘܩܪܒܠܗܿ ܡܫܕܪܘܬܐ ܗܘܢܝ̈ܗܿ ܒܦܘܪܣܐ ܕܕܟܪܐ ܕ 23 ܠܫܬܐܣܬܐ ܕܡܘܬܒܐ ܐܘܡܬܢܝܐ ܟܠܕܝܐ، ܚܕ ܡܢ ܓܒ̈ܐ ܕܥܡܢ ܦܠܚ̈ܐ ܓܘ ܥܝܪܩ ܘܩܠܝܡܐ ܕܟܘܪܕܣܬܢ .
ܘܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܒܣܘܘܕܝܗܝ ܠܚܝܠܢܬܐ ܕܐܘܦܩ̈ܐ ܕܥܘܕܪܢܐ ܡܫܘܬܦܐ، ܘܫܘܪܪܠܗ ܐܘܓܼܢܐ ܕܬܪ̈ܥܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܦܬܝܚ̈ܐܝܠܗܘܢ ܠܥܘܕܪܢܐ ܥܡ ܟܠ ܫܘܬܐܣ̈ܐ، ܠܬܫܡܫܬܐ ܕܝܪܬܘܬܐ ܘܡܪܕܘܬܐ ܕܥܡܢ .
