ܣܥܪܠܗܿ ܡܫܕܪܘܬܐ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ، ܝܘܡ ܬܠܬܒܫܒܐ 9 ܬܡܘܙ 2024، ܠܚܘܕܪܐ ܕܡܛܟܣܝ̈ܬܐ ܠܐ ܫܘܠܛܢܝ̈ܐ ܒܩܠܝܡܐ ܕܟܘܕܪܣܬܢ، ܠܡܩܪܒܬܐ ܕܗܘܢܝ̈ܐ ܘܒܪ̈ܟܝܬܐ ܠܡܫܬܐܠܢܐ ܚܕܬܐ ܕܚܘܕܪܐ ܒܦܘܪܣܐ ܕܫܩܠܬܗ ܡܫܬܐܠܢܘܬܐ ܕܕܪܓܼܐ ܘܫܘܪܝܐ ܒܦܘܠܚܢ̈ܐ ܚܕ̈ܬܐ.
ܘܚܒܫܠܗܿ ܡܫܕܪܘܬܐ ܣܥܘܪܬܐ ܡܕܒܪܢܐ ܓܘܢܝܐ ܡܝܩܪܐ”ܟܠܕܘ ܪܡܙܝ ܐܘܓܼܢܐ”، ܘܡܕܒܪܢܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܡܝܩܪܐ “ܒܪܢܐܪܕ ܝܘܣܦ”، ܘܡܕܒܪܢܝܬܐ ܕܒܝܬ ܐܪ̈ܟܐ ܣܘܪܝܝܐ ܡܝܩܪܬܐ”ܦܿܝܚܐܐ ܫܡܥܘܢ”، ܘܡܢܝܢܐ ܡܢ ܫܕܬܢ̈ܐ ܕܡܕܒܪܢܘܬܐ، ܟܕ ܡܘܩܪܒܠܗܿ ܡܫܕܪܘܬܐ ܗܘܢܝ̈ܐ ܘܒܪ̈ܟܝܬܐ ܠܡܫܬܐܠܢܐ ܚܕܬܐ ܕܚܘܕܪܐ “ܦܠܐܚ ܚܣܢ”، ܒܦܘܪܣܐ ܕܫܩܠܬܗ ܡܫܬܐܠܢܘܬܐ ܕܕܪܓܼܐ، ܘܒܥܐܠܗܘܢ ܠܗ ܡܢܬܝܬܐ ܘܢܨܝܚܘܬܐ ܓܘ ܦܘܠܚܢ̈ܗ ܚܕ̈ܬܐ.
ܘܫܘܪܪܠܗܘܢ ܬܪܘܝܗܝ ܓܢ̄ܒܢ̈ܐ ܓܘ ܣܘܘܕܝܗܝ ܥܠ ܐܢܢܩܝܘܬܐ ܕܥܘܕܪܢܐ ܡܫܘܬܦܐ ܒܝܢ ܬܪܘܝܗܝ ܓܢ̄ܒܢ̈ܐ، ܘܫܒܝܠܐ ܕܣܢܕܬܐ ܕܡܟܝܢ̈ܬܐ ܓܘ ܩܠܝܡܐ ܕܟܘܪܕܣܬܢ.
