ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ ܡܝܩܪܐ “ܟܠܕܘ ܪܡܙܝ ܐܘܓܼܢܐ” ܒܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ، ܝܘܡ ܬܠܬܒܫܒܐ 27 ܫܒܛ 2024، ܡܫܕܪܘܬܐ ܡܢ ܟܢܘܫܬܐ ܡܪܕܘܬܢܝܬܐ ܟܢܘܫܝܝܬܐ ܐܪܡܢܝܬܐ ܓܘ ܐܪܒܝܠ، ܘܚܒܫܠܗܿ ܡܫܕܪܘܬܐ ܟܠ ܡܢ “ܢܘܒܐܪ ܣܝܒܐܢ ܓܪܝܒܿ”، ܘ”ܬܐܠܝܢ ܘܐܢܝܣ ܐܟܘܒ”.
ܘܕܪܫܠܗܘܢ ܒܡܬܚܐ ܕܣܥܘܪܘܬܐ ܚܕܪ ܡܨܝܢܘܬܐ ܕܥܘܕܪܢܐ ܡܫܘܬܦܐ ܒܢܝܫܐ ܕܥܒܕܬܐ ܕܥܕܥܐܕܐ ܕܝܪܬܘܬܐ ܐܪܡܢܝܬܐ ܓܘ ܐܪܒܝܠ، ܘܫܘܪܪܠܗܿ ܡܫܕܘܪܘܬܐ ܣܥܘܪܬܐ ܕܟܫܝܪ̈ܘܬܐ ܕܡܕܒܪܢܘܬܐ ܓܘܢܝܬܐ ܒܓܠܝܬܐ ܕܝܪܬܘܬܐ ܘܡܪܕܘܬܐ ܣܘܪܝܝܬܐ ܝܠܝܗܝ ܚܕ ܚܝܠܐ ܠܟܢܘܫܬܐ ܠܥܒܕܬܐ ܕܥܕܥܐܕܐ ܕܝܠܢܝܐ ܒܝܪܬܘܬܐ ܐܪܡܢܝܬܐ ܓܠܐ ܠܓܪܐ ܕܐܪ̈ܡܢܝܐ ܒܡܪܟܒܘܬܐ ܕܟܢܘܫܝܐ ܟܘܪܕܣܬܢܝܐ ܘܥܝܪܩܝܐ.
ܘܚܘܬܬܠܗ “ܐܘܓܼܢܐ” ܕܬܪ̈ܥܐ ܕܡܕܒܪܢܘܬܐ ܓܘܢܝܬܐ ܦܬܝܚ̈ܐܝܠܗܘܢ ܠܥܘܕܪܢܐ ܥܡ ܟܠܝܗܝ ܫܘܬܐܣ̈ܐ ܡܪ̈ܕܘܬܢܝܐ ܘܐܡܢܝ̈ܐ ܘܟܢܘܫܝܝ̈ܐ ܡܪܐ ܕܐܣܘܪܐ ܒܟܠܝܗܝ ܡܟܝܢ̈ܬܐ ܓܘ ܐܬܪܐ.
