ܣܘܩܒܠܗ ܡܝܩܪܐ “ܟܠܕܘ ܪܡܙܝ ܐܘܓܼܢܐ” ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܡܫܕܪܘܬܐ ܡܢ ܚܘܝܕܐ ܕ ܝܠܘܦ̈ܐ ܘܥܠܝܡ̈ܐ ܟܠܕܘ ܐܬܘܪܝܐ ܒܨܦܪܐ ܕܚܡܫܒܫܒܐ 16 ܬܫܪܝܢ ܬܪܝܢܐ 2023 ܒܒܢܝܢܐ ܕܡܕܒܪܢܘܬܐ ܓܘܢܝܬܐ ܓܘ ܪܘܣܬܩܐ ܕܥܢܟܒܐ.
ܘܚܒܫܠܗܿ ܡܫܕܪܘܬܐ ܣܥܘܪܬܐ ܢܛܪ ܐ̄ܪܙܐ ܕܚܘܝܕܐ “ܙܘܡܐܝܐ ܐܕܐܡ” ܘܗܕܡ̈ܐ ܓܘ ܢܛܪ ܐ̄ܪܙܘܬܐ ܕܚܘܝܕܐ ܘܡܫܬܐܠܢ̈ܐ ܕܦܪ̈ܥܐ ܓܘܗ.
ܘܕܪܫܠܗܘܢ ܓܘ ܬܦܩܬܐ ܫܒܝܠ̈ܐ ܕܥܘܕܪܢܐ ܡܫܘܬܦܐ ܒܝܢܬ ܡܕܒܪܢܘܬܐ ܓܘܢܝܬܐ ܘܚܘܝܕܐ ܕܝܠܘܦ̈ܐ ܘܥܠܝܡ̈ܐ ܟܠܕܘ ܐܬܘܪܝܐ ܒܓܝܓܠܐ ܡܪܕܘܬܢܝܐ ܣܘܪܝܝܐ ܘܫܒܝܠ̈ܐ ܕܡܛܘܪܢܬܗ، ܘܦܪܝܫܐܝܬ ܡܢܬܐ ܕܥܠܝܡ̈ܐ.
