“ܐܘܓܼܢܐ” ܚܝܪ ܠܛܘܝܒ̈ܐ ܕܝܗܠܐ ܕܐܡܢ̈ܐ ܣܘܪ̈ܝܝܐ ܕܥܕܥܐܕܐ ܕܝܪܬܘܬܐ ܣܘܪܝܝܬܐ

ܣܥܪܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ “ܟܠܕܘ ܪܡܙܝ ܐܘܓܼܢܐ” ، ܝܘܡ ܬܠܬܒܫܒܐ 26 ܐܕܪ 2024، ܠܫܘܦܐ ܕܕܪ̈ܫܘܬܐ ܐܢܝ ܕܩܝܡ ܓܘܝܗܝ ܝܗܠܐ ܕܐܡܢ̈ܐ ܣܘܪ̈ܝܝܐ ܢܩܝܦܐ ܠܡܕܒܪܢܘܬܐ، ܒܢܝܫܐ ܕܛܘܝܒܐ ܠܥܕܥܐܕܐ ܕܝܪܬܘܬܐ ܣܘܪܝܝܬܐ ܒܕܘܪܬܗ ܪܒܝܥܝܬܐ، ܗܘ ܒܕ ܦܝܫ ܥܒܝܕܐ ܒܫܘܪܝܐ ܕܝܪܚܐ ܕܢܝܣܢ ܐܬܝܢܐ.

ܘܚܝܪܗ ” ܐܘܓܼܢܐ” ܠܕܪ̈ܫܘܬܐ ܐܢܝ ܕܩܝܡ ܓܘܝܗܝ ܝܗܠܐ ܠܛܘܝܒܐ ܕܫܘܬܦܬܗ ܒܥܕܥܐܕܐ ܕܝܪܬܘܬܐ ܣܘܪܝܝܬܐ ܐܬܝܢܐ، ܘܫܘܪܪܠܗ ܥܠ ܡܩܪܒܬܐ ܕܥܡܠ̈ܐ ܕܡܒܝܢܝ ܒܚܕ ܐܣܟܝܡܐ ܚܫܚ ܒܡܕܒܪܢܘܬܐ، ܘܚܘܬܬܠܗ ܛܘܝܒܗ ܠܫܪܝܬܐ ܕܟܠ ܩܛܪ̈ܐ ܘܡܦܪܝܬܐ ܕܣܢܕܬܐ ܐܢܢܩܝܬܐ ܗܝ ܕܣܢܩܝܐܝܠܗ ܥܠܗܿ ܝܗܠܐ.

ܘܦܝܫ ܕܟܝܪܐ، ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ ܐܡܝܢܝܬܐܝܠܗܿ ܒܛܘܟܣܐ ܕܥܕܥܐܕܐ ܕܝܪܬܘܬܐ ܣܘܪܝܝܬܐ ܒܢܝܣܢ ܡܢ ܟܠ ܫܢ̄ܬܐ، ܦܝܫ ܥܒܝܕܐ ܓܘܗ ܥܒܘܕܘ̈ܬܐ ܝܪ̈ܬܘܬܢܝܐ ܘܥܡܡܝ̈ܐ ܡܫܚܠܦ̈ܐ.