ܩܒܠܗ ܒܐܪܚܘܬܐ ܒܝܬ ܨܘܒܐ ܕܕܝܬܘܢ ܒܐܘܚܕܢܐ ܕ(ܐܘܗܐܝܘ) ܐܡܝܪܟܝܐ، 19 ܢܝܣܢ 2024، ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ ܡܝܩܪܐ “ܟܠܕܘ ܪܡܙܝ ܐܘܓܼܢܐ” ܒܛܘܝܒܐ ܕܦܪܘܦܝܣܘܪܬܐ “ܐܠܕܐ ܒܝܢܓ̰ܡܝܢ” ܒܐܩܡܐ ܕܕܪܫܘܬܐ ܓܘܝܐ ܒܝܢܬ ܝܠܘܦ̈ܐ، ܓܘ ܣܘܘܕܐ ܦܪܣܚܙܘܝܐ (ܐܘܢܠܝܢ)، ܠܣܘܘܕܐ ܚܕܪ ܐܢܢܩܝܘܬܐ ܕܝܪܬܘܬܐ ܡܪܕܘܬܢܝܬܐ ܒܥܝܪܩ ܘܩܠܝܡܐ ܕܟܘܪܕܣܬܢ.
ܘܐܬܝܠܗܿ ܐܪܚܘܬܐ ܕ”ܟܠܕܘ ܪܡܙܝ” ܓܘ ܡܢܬܐ ܕܬܫܥܝܬܐ ܒܒܝܬ ܨܘܒܐ ܕܕܝܬܘܢ ܒܐܩܡܐ ܕܕܪܫܘܬܐ ܓܘܝܐ ܒܝܢܬ ܝܠܘܦ̈ܐ، ܠܣܘܘܕܐ ܚܕܪ ܐܢܢܩܝܘܬܐ ܕܫܛܪܬܐ ܕܝܪܬܘܬܐ ܡܪܕܘܬܢܝܬܐ ܕܡܟܝܢ̈ܬܐ ܓܘ ܥܝܪܩ ܘܩܠܝܡܐ ܕܟܘܪܕܣܬܢ، ܘܡܫܘܡܗܠܗ “ܐܘܓܼܢܐ” ܥܝܪܩ ܕܦܝܫ ܡܬܘܪܨܐ ܡܘܙܐܝܝܟ ( ܐܡܢܐ) ܘܦܝܦܣܐ ܡܫܚܠܦ̈ܐ، ܘܪܡܙܠܗ ܠܐܢܢܩܝܘܬܐ ܕܣܓܝܐܘܬܐ ܘܚܝܝܬܐ ܘܡܥܒܕܢܘܬܐ ܕܪܩܡܢܬܐ ܕܝܪܬܘܬܐ ܒܢܛܪܬܐ ܕܡܪ̈ܕܘܬܐ ܬܒܠܝ̈ܐ ܘܫܛܪܬܝܗܝ.