ܡܘܝܕܥܠܗܿ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܕܩܝܘܡܐ ܦܛܪܝܪܟܝܐ ܕܕܪ̈ܫܝܬܐ ܣܘܪ̈ܝܝܐ ܒܥܕܬܐ ܣܘܪܝܝܬܐ ܐܪܬܕܘܣܝܬܐ ܡܪܝ ” ܣܘܝܪܝܘܣ ܪܘܓ̰ܝܗ ܐܚܪܣ” ܒܕ ܗܘܐ ܐܪܚܐ ܕܐܝܩܪܐ ܓܘ ܣܝܡܦܘܙܝܘܡ ܣܘܪܝܝܐ ܩܕܡܝܐ ܒܐܬܪܐ، ܗܘ ܕܒܥܝܐ ܡܕܒܪܢܘܬܐ ܩܛܪܬܗ ܒܥܘܕܪܢ ܥܡ ܩܢܛܪܘܢ ܕܝܘܢܢ ܗܘܙܝܐ ܕܒܘܨܝ̈ܐ ܘܕܪ̈ܫܝܬܐ ܕܥܬܝܕܝ̈ܐ، ܒܫܘܪܝܐ ܕܝܪܚܐ ܕܐܝܠܘܠ ܐܬܝܢܐ، ܒܪܘܣܬܩܐ ܕܥܢܟܒܐ ܒܗܘܦܪܟܝܐ ܕܐܪܒܝܠ.
ܘܦܝܫ ܡܚܘܫܒܢܐ ܡܝܛܪܦܘܠܝܛܐ ܡܪܝ “ܣܘܝܪܝܘܣ ܪܘܓ̰ܝܗ ܐܚܪܣ” ܩܝܘܡܐ ܦܛܪܝܪܟܝܐ ܘܡܕܒܪܢܐ ܕܚܘܕܪܐ ܕܕܪ̈ܫܝܬܐ ܣܘܪ̈ܝܝܐ ܓܘ ܦܛܪܝܪܟܘܬܐ ܕܐܢܛܟܝܐ ܣܘܪܝܝܬܐ ܐܪܬܕܘܟܣܝܬܐ، ܘܐܝܬܠܗ ܣܗܕܘܬܐ ܕܡܓ̰ܣܬܝܪ ܓܘ ܬܐܘܠܘܓܝܼܐ (ܠܗܘܬ) ܡܢ ܒܝܬ ܨܘܒܐ ܕܪܘܚܐ ܕܩܘܕܫܐ- ܟܣܠܝܟ ܓܘ ܠܒܢܢ، ܘܣܗܕܘܬܐ ܕܕܟܬܘܪܐܓܘ ܕܝܠܝܘܬܐ ܕܐܒܗ̈ܬܐ ܕܥܕܬܐ ܡܢ ܒܝܬ ܨܘܒܐ ܩܬܘܠܝܩܝܐ ܓܘ ܦܪܝܣ، ܘܐܝܬܠܗ ܡܢܝܢܐ ܡܢ ܕܪ̈ܫܝܬܐ ܘܡܐܡܪ̈ܐ ܥܠ ܠܝܬܘܪܓ̰ܝܐ ܣܘܪܝܝܐ ܘܝܪܬܘܬܐ ܣܘܪܝܝܬܐ.
ܘܡܘܝܕܥ ܗ̄ܘܐܠܗܿ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ، ܕܦܪܘܦܝܣܘܪܐ ܒܪܝܛܢܝܐ “ܣܝܒܐܣܬܝܢ ܒܪܘܟ” ܒܕ ܗܘܐ ܐܦ ܗܘ ܐܪܚܐ ܕܐܝܩܪܐ ܓܘ ܣܝܡܦܘܙܝܘܡ ܣܘܪܝܝܐ ܩܕܡܝܐ ܒܐܬܪܐ، ܗܘ ܒܕ ܦܝܫ ܥܒܝܕܐ ܒܫܘܪܝܐ ܕܝܪܚܐ ܕܐܝܠܘܠ ܐܬܝܢܐ.
ܘܦܝܫ ܕܟܝܪܐ، ܕܣܝܡܦܘܙܝܘܡ ܣܘܪܝܝܐ ܩܕܡܝܐ ܗܘ ܒܕ ܦܝܫ ܩܛܝܪܐ ܠܡܬܚܐ ܡܢ 5-8 ܐܝܠܘܠ ܐܬܝܢܐ، ܬܚܘܬ ܪܘܫܡܐ ” ܠܫܢܐ ܣܘܪܝܝܐ ܡܪܕܘܬܐ ܝ̄ܠܗ ܚܝܬܐ.. ܝܗܒܠ ܚܝܠܐ ܠܕܝܠܝ̈ܬܐ ܕܡܩܘܝܢܘܬܢ “، ܒܕ ܦܝܫ ܩܛܝܪܐ ܓܘ ܐܘܢܐ ܕܠܘܡܕ̈ܐ ܕܦܛܪܝܪܟܐ ܡܪܝ ܝܘܣܦ ܫܬܝܬܝܐ ܐܘܕܘ ܒܕܝܪ ܣܗܕܐ ܓ̰ܒܪܐܝܠ ܕܐܢܒܘ، ܓܘ ܥܢܟܒܐ ܒܐܪܒܝܠ، ܘܚܒܫ ܣܥܘܪ̈ܘܬܐ ܠܩܢܛܪܘܢ ܡܪܕܘܬܢܝܐ ܕܢܛܪܬܐ ܕܣܪ̈ܝܛܬܐ ܣܘܪ̈ܝܝܐ ، ܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܘܩܢܛܪܘܢ ܕܡܟܬܒܼܢܘܬܐ ܪܩܡܝܬܐ ܕܣܪ̈ܝܛܬܐ ܡܕܢܚܝ̈ܐ.
ܠܡܩܪܒܬܐ ܕܒܘܨܝ̈ܐ ܘܕܪ̈ܫܝܬܐ ܠܫܘܬܦܬܐ ܓܘ (ܣܝܡܦܘܙܝܘܡ ܣܘܪܝܝܐ ܩܕܡܝܐ ܒܐܬܪܐ) ܒܐܘܪܚܐ ܕܐܣܘܪܐ ܕܐܬܐ
ܠܫܢܐ ܣܘܪܝܝܐ
ܠܫܢܐ ܐܢܓܠܝܙܝܐ
ܠܫܢܐ ܥܪܒܝܐ