ܫܘܬܦܠܗ ܝܗܠܐ ܣܘܪܝܝܐ ܕܐܡܢ̈ܐ ܢܩܝܦܐ ܠܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ، ܓܘ ܥܒܘܕܘ̈ܬܐ ܕܥܕܥܐܕܐ ܕܐܟܝܬܘ ܡܪܕܘܬܢܝܐ ܒܢܘܣܟܗ ܬܡܝܢܝܐ، ܗܘ ܕܦܝܫܠܗ ܥܒܝܕܐ ܒܪܥܝܘܬ ܪܫܐ ܕܡܘܬܒܐ ܕܘܙܝܪ̈ܐ ܥܝܪܩܝܐ “ܡܚܡܕ ܫܝܐܥ ܐܠܣܘܕܐܢܝ” ܓܘ ܦܢܝܬܐ ܕܒܥܫܝܩܐ ܒܗܘܦܪܟܝܐ ܕܢܝܢܘܐ، ܠܡܬܚܐ ܡܢ 25-26 ܢܝܣܢ 2024 ، ܘܬܚܘܬ ܪܘܫܡܐ ( ܐܟܝܬܘ ܫܪܫܝܘܬܐ ܘܚܘܕܬܐ).
ܘܚܒܫܠܗܘܢ ܥܒܘܕܘ̈ܬܐ ܕܥܕܥܐܕܐ ܡܫܘܚܝ̈ܬܐ ܡܚܪ̈ܝܐ، ܒܬܝ̈ ܓܠܚ̈ܐ ܕܣܪܛܐ ܣܘܪܝܝܐ ܘܠܘܚ̈ܐ ܘܦܪ̈ܝܣܬܐ ܡܪ̈ܕܘܬܢܝܐ، ܐܡܘܪ̈ܘܬܐ ܚܒܫܝ ܡܠܘ̈ܐܐ ܕܪܫܐ ܕܫܢ̄ܬܐ ܐܘܡܬܢܝܬܐ (ܐܟܝܬܘ)، ܥܡ ܠܘܚ̈ܐ ܐܡܢܝ̈ܐ ܦܠܟܠܘܪ̈ܝܐ ܣܘܪ̈ܝܝܐ ܦܝܫܠܗܘܢ ܡܘܩܪܒܐ ܒܝܕ ܝܗܠܐ ܣܘܪܝܝܐ ܕܐܡܢ̈ܐ ܕܡܘܒܣܡܠܗܘܢ ܠܠܒܐ ܕܡܛܝܒ̈ܐ.
ܘܦܝܫ ܕܟܝܪܐ ، ܕܥܕܥܐܕܐ ܆ܕܐܟܝܬܘ ܡܪܕܘܬܢܝܐ ܬܡܝܢܝܐ ܡܫܘܬܦܠܗܘܢ ܒܛܘܟܣܗ ܡܟܬܒܐ ܕܡܪܕܘܬܐ ܣܘܪܝܝܬܐ ܢܩܝܦܐ ܠܚܘܝܕܐ ܓܘܢܝܐ ܕܣܦܪ̈ܐ ܘܟܬܘܒ̈ܐ ܓܘ ܥܝܪܩ ܘܚܘܝܕܐ ܕܣܦܪ̈ܐ ܘܣܝܘܡ̈ܐ ܣܘܪ̈ܝܝܐ.
