ܦܝܫܠܗ ܚܙܝܐ ܝܘܡܐ ܕܐܪܒܥܒܫܒܐ 10/ ܐܒ 2022 ܣܥܘܪܘܬܐ ܕܐܝܙܓܕܘܬܐ ܕܘܙܝܪܘܬ ܡܪܕܘܬܐ ܘܥܠܝܡ̈ܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ ܠܦܪܠܡܢ ܐܪܡܝܢܝܐ ܘܒܪܐܠܗ ܕܘܪܫܐ ܒܡܬܚܐ ܕܣܥܘܪܘܬܐ ܠܐܢܢܩܝܘܬܐ ܕܦܘܠܚܢܐ ܦܪܠܡܢܝܢܐ ܒܥܠܬܐ ܕܝܠܗ ܚܕ ܡܫܩܠܐ ܚܕܬܐ ܡܢ ܕܘܪܪܐ ܘܚܡܝܬܐ ܕܬܡܡܝ̈ܬܐ.
ܘܗܕܟ ܣܥܪܗܿ ܐܝܙܓܕܘܬܐ ܪܘܫܡܝܬܐ ܕܘܙܝܪܘܬ ܡܪܕܘܬܐ ܘܥܠܝܡ̈ܐ ܓܘ ܫܘܠܛܢܘܬܐ ܕܩܠܝܡܐ ܕܟܘܪܕܣܬܢ/ ܥܝܪܩ، ܐܟܕܝܡܝܝܘܬܐ ܐܬܪܢܝܬܐ ܐܪܡܝܢܝܬܐ، ܘܝܗ̄ܘܐ ܒܣܩܒܠܬܗܿ ܕ.”ܪܘܒܪܬ ܓܙܪܝܢ” ܪܫܐ ܕܐܟܕܝܡܝܝܘܬܐ ܘܡܢܝܢܐ ܡܢ ܡܫܬܐܠܢ̈ܐ. ܘܕܪܫܠܗܘܢ ܓܘ ܬܦܩܬܐ ܠܫܒܝܠ̈ܐ ܕܦܘܠܚܢܐ ܕܘܙܝܪܘܬܐ ܚܕܪ ܡܪ̈ܕܘܬܐ ܕܡܟܝܢ̈ܬܐ ܐܚܘܬܢܝ̈ܐ ܓܘ ܩܠܝܡܐ ܕܟܘܪܕܣܬܢ ܘܚܘܕܪ̈ܢܝܬܐ ܘܡܕܒܪ̈ܢܘܬܐ ܓܘܢܝ̈ܐ ܐܢܝ ܕܡܬܓܒܪܝ ܠܥܒܘܕܘܝ̈ܬܐ ܡܪ̈ܕܘܬܢܝܐ ܐܢܝ ܕܡܚܘܝܠܝܗܝ ܘܦܠܚܝ ܠܚܦܛܢܬܝܗܝ.
ܘܦܝܫ ܕܟܝܪܐ ܕܐܝܙܓܕܘܬܐ ܘܙܝܪܝܬܐ ܪܘܫܡܝܬܐ ܒܝܕ ܘܙܝܪܘܬ ܡܪܕܘܬܐ ܘܥܠܝܡ̈ܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ ܐܡܝܢܝܬܐܝܠܗܿ ܒܣܥܘܪܘܬܗܿ ܪܘܫܡܝܬܐ ܠܩܘܛܢܝܘܬܐ ܕܐܪܡܝܢܝܐ ܚܒܪܬܐ .
