ܣܥܪܗ ܡܝܩܪܐ “ܟܠܕܘ ܪܡܙܝ ܐܘܓܼܢܐ ” ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܓܘ ܚܕܐ ܐܝܙܓܕܘܬܐ ܪܘܫܡܝܬܐ ܣܥܘܪܬܐ ܠܩܘܛܢܝܘܬܐ ܕܐܪܡܝܢܝܢܐ ܒܪܫܢܘܬܐ ܕ”ܚܡܐ ܚܡܝ ܣܥܝܕ” ܘܙܝܪܐ ܕܡܪܕܘܬܐ ܘܥܠܝܡ̈ܐ، ܠܘܙܝܪܘܬܐ ܕܒܪ̈ܝܬܐ ܐܪܡܝܢܝܬܐ ܒܛܗܪܐ ܕܐܪܒܥܒܫܒܐ 10/8/2022 ܘܝܗ̄ܘܐ ܒܣܩܒܠܬܝܗܝ ܚܠܦ ܘܙܝܪܐ ܕܒܪ̈ܝܬܐ “ܡܢܬܣܟܐܢ ܣܦܪܝܐܢ”.
ܘܩܒܠܗ ܒܫܝܢܐ “ܣܦܪܝܐܢ” ܒܐܝܙܓܕܘܬܐ ܣܥܘܪܬܐ ܘܡܚܘܬܬܠܗ ܒܝܬ ܥܕܢܐ ܒܫܘܠܛܢܘܬܐ ܘܥܡܐ ܕܩܠܝܡܐ ܗܘ ܕܦܝܫܠܗ ܒܝܬ ܓܘܣܐ ܕܫܝܢܐ ܠܚܝܝܬܐ، ܘܒܥܐܠܗ ܡܢ ܫܘܠܛܢܘܬܐ ܕܩܠܝܡܐ ܠܦܬܚܬܐ ܕܡܛܦܣܢܘܬܗܿ ܓܘ ܐܬܪܝܗܝ.
ܘܡܘܩܪܒܠܗ “ܟܠܕܘ ܪܡܙܝ ܐܘܓܼܢܐ” ܓܘ ܚܘܬܡܐ ܕܣܥܘܪܘܬܐ، ܕܫܢܐ ܕܕܟܪܐ ܘܝܠܗ ܓܘܫܡܐ ܕܩܝܡܬܐ ܕܚܡܘܪܒܝ ܠܚܠܦ ܘܙܝܪܐ ܕܒܪ̈ܝܬܐ ܐܪܡܝܢܝܐ .
ܘܡܢ ܓܢ̄ܒܐ ܐ̄ܚܪܢܐ ܣܥܪܗܿ ܐܝܙܓܕܘܬܐ ܦܪܣܩܠܐ ܕܐܪܡܝܢܝܐ ܘܝܗ̄ܘܐ ܒܣܩܒܠܬܝܗܝ “ܓܪܝܓ̰ܝܢ ܟܘܡܪܝܐܢ” ܪܫܐ ܕܦܪܣܩܠܐ ܘܡܢܝܢܐ ܡܢ ܟܕܝܪ̈ܐ.
